ଆତଙ୍କବାଦ ବିରୋଧୀ ଲଢ଼େଇରେ ପୁଣି କଣ୍ଟା ସାଜିଲା ଚୀନ୍, ଭାରତ-ଆମେରିକାର ପ୍ରସ୍ତାବ ଉପରେ ରୋକ

ନୂଆଦିଲ୍ଲୀ: ଆତଙ୍କବାଦ ବିରୋଧୀ ଲଢ଼େଇରେ ପୁଣି କଣ୍ଟା ସାଜିଲା ଚୀନ୍ । ଜାତିସଂଘରେ ଭାରତ-ଆମେରିକାର ପ୍ରସ୍ତାବ ଉପରେ ଦ୍ୱିତୀୟ ଥର ଲାଗି ରୋକ ଲଗାଇଛି ଚୀନ୍ । ଆତଙ୍କୀ ସଂଗଠନ ଲସ୍କର-ଏ-ତୋଏବାର ମୁଖ୍ୟ ହାଫିଜ ସଇଦର ପୁଅ ତଲହାକୁ ବ୍ଲାକ ଲିଷ୍ଟରେ ସାମିଲ କରିବାକୁ ଜାତିସଂଘରେ ପ୍ରସ୍ତାବ ଦିଆଯାଇଥିଲା । ୨୬/୧୧ ମୁମ୍ବାଇ ଆକ୍ରମଣର ମାଷ୍ଟର ମାଇଣ୍ଡ ହାଫିଜର ପୁଅ ହେଉଛି ତଲହା । ଚଳିତବର୍ଷ ଏପ୍ରିଲରେ ଭାରତ ସରକାର ତଲହାକୁ ଆତଙ୍କବାଦୀ ଘୋଷଣା କରିଥିଲେ । ପାକିସ୍ତାନରେ ଥିବା ଲସ୍କର-ଏ-ତୋଏବାର ବିଭିନ୍ନ ସେଣ୍ଟରକୁ ତଲହା ଯାଉଥିବା ବେଳେ ଭାରତ ବିରୋଧୀ ଷଡଯନ୍ତ୍ରରେ ସମ୍ପୃକ୍ତି ଥିବା ଜଣାପଡ଼ିଛି ।

୧୨୬୭ ଅଲ କାଏଦା ପ୍ରତିବନ୍ଧ ସମିତି ସହ ତଲହାର ସମ୍ପୃକ୍ତି ପ୍ରସ୍ତାବରେ ରୋକ ଲଗାଇ ଭାରତ-ଆମେରିକାର ଲଗାତାର ଦ୍ୱିତୀୟ ଥର ପାଇଁ ଝଟକା ଦେଇଛି । ପାକିସ୍ତାନର ଆତଙ୍କୀ ସଂଗଠନକୁ ବିଶ୍ୱ ଆତଙ୍କବାଦୀ ସଂଗଠନ ଭାବେ ନାମିତ କରିବା ପ୍ରସ୍ତାବ ଉପରେ ଭିଟୋ ଶକ୍ତି ପ୍ରୟୋଗ କରି ଏହା ଉପରେ ରୋକ ଲଗାଇଛି ।