ପର୍ଯ୍ୟଟକଙ୍କୁ ଡଲଫିନ୍ ଦେଖାଇବାକୁ ଯାଇ ଡଙ୍ଗାରୁ ଖସିପଡ଼ିଲେ ଚାଳକ

ଖୋର୍ଦ୍ଧା: ଚିଲିକାରେ ଅଘଟଣ । ପର୍ଯ୍ୟଟକଙ୍କୁ ଡଲଫିନ୍ ଦେଖାଇବାକୁ ଯାଇ ଡଙ୍ଗାରୁ ଖସିପଡ଼ିଲେ ଚାଳକ । ନିଖୋଜ ଡଙ୍ଗା ଚାଳକ ହେଲେ ବିକ୍ରମ ଜାଲି । ୫ ଜଣ ପର୍ଯ୍ୟଟକଙ୍କୁ ନେଇ ଚିଲିକାରେ ଡଲଫିନ ଦେଖାଇବାକୁ ନେଇଥିଲେ ବିକ୍ରମ । ଡଲଫିନ ଦେଖାଇ ଫେରୁଥିବା ବେଳେ ହଠାତ୍ ଡଙ୍ଗାଟିର ମୋଟର ବନ୍ଦ ହୋଇଯିବାରୁ ଚାଳକ ମୋଟରକୁ ଚାଲୁ କରିବାବେଳେ ପାଣିରେ ଖସିପଡ଼ିଥିଲେ । ନିକଟରେ ଥିବା ଅନ୍ୟଏକ ଡଙ୍ଗା ପର୍ଯ୍ୟଟକଙ୍କ ସହିତ ଡଙ୍ଗାଟିକୁ ଉଦ୍ଧାର କରିଛି । ତେବେ ଚାଳକଙ୍କର ଏଯାଏ ପତ୍ତା ମିଳିନି । ସମସ୍ତ ପର୍ଯ୍ୟଟକ ସୁରକ୍ଷିତ ଥିବା ବେଳେ ଡଙ୍ଗା ଚାଳକ ବିକ୍ରମ ଜାଲିଙ୍କୁ ସ୍ଥାନୀୟ ମତ୍ସ୍ୟଜୀବୀ ଓ ବ୍ରହ୍ମଗିରି ଅଗ୍ନିଶମ ବାହିନୀ ଖୋଜାଖୋଜି କରୁଛନ୍ତି ।