ବ୍ୟୁରୋ ରିପୋର୍ଟ: ଟିକେଟ ନମ୍ବର 037130 କରିଦେଲା କୋଟିପତି। କୋଟିଏ ନୁହେଁ କି ଦି କୋଟି ନୁହେଁ ଏକାଥରକେ ୩୩ କୋଟି। କଥାଟି ନିଶ୍ଚୟ ସମସ୍ତଙ୍କୁ ଆଶ୍ଚର୍ଯ୍ୟ କରିବ। ମାତ୍ର ଏହା ସତ। ଦୁଇ ସନ୍ତାନଙ୍କ ଜନ୍ମ ଦିବସ ବାସ୍ତବରେ ବାପାଙ୍କୁ କରାଇଦେଲା କୋଟିପତି।
ଭାରତୀୟ ରାଜୀବ ଅରିକଟ୍ଟ ଜଣେ ବ୍ୟକ୍ତି ୟୁଏଇର ଅଲ୍ ଲାଇନରେ କାମ କରନ୍ତି । ଏକ ସ୍ଥାପତ୍ଯ ଫାର୍ମରେ କାମ କରନ୍ତି। ସେ ଦୀର୍ଘ ୩ ବର୍ଷ ଧରି ଲଟେରୀ ଟିକେଟ କିଣିଆସୁଥିଲେ। ସବୁଥର ସେ କିନ୍ତୁ ଟଙ୍କା ହରାଇଥାନ୍ତି। ତଥାପି ସେ ଏଥିରୁ ନିବୃତ୍ତ ହୋଇ ନଥିଲେ। ସେ କିଛିଦିନ ତଳେ 037130 ନମ୍ବର ଥିବା ଟିକେଟ କିଣିଥିଲେ। ତେବେ ଟିକେଟର ବିଶେଷତ୍ବ ଥିଲା ଏହା ଯେ ତାଙ୍କର ଦୁଇପୁଅଙ୍କ ଜନ୍ମ ତାରିଖ ୭ ଓ ୧୩କୁ ଆଧାର କରି ସେ ଟିକେଟ କ୍ରୟ କରିଥିଲେ। ଦୁଇ ସନ୍ତାନଙ୍କର ବୟସ ଥିଲା ୫ ଓ ୮ ବର୍ଷ। ଏହି ଟିକେଟର ବିଜେତା ହୋଇଥିବାରୁ ତାଙ୍କୁ ମିଳିଛି ୧୫ ନିୟୁତ ଦିରହାମ ଯାହାର ପରିମାଣ ଭାରତୀୟ ଟଙ୍କାରେ ପ୍ରାୟ ୩୩ କୋଟି ଟଙ୍କା। ପ୍ରାୟ ୨ ମାସ ତଳେ ସେ ଏହି ନମ୍ବରର ଥିବା ଟିକେଟ କିଣିଥିଲେ।
