ମୟୂରଭଞ୍ଜ: ଦିନ ଗଡୁଛି, ହେଲେ ମିଳୁନି ନ୍ୟାୟ। ଅପହୃତା ନାବାଳିକାଙ୍କୁ ଉଦ୍ଧାର କରିବାରେ ବିଫଳ ମୟୂରଭଞ୍ଜ ଜିଲ୍ଲା କେଶିଙ୍ଗା ପୋଲିସ୍। ମାନଗୋବିନ୍ଦପୁର ଗାଁର ନାବାଳିକା ଅପହରଣକୁ ୭ମାସ ବିତିଯାଇଥିଲେ ମଧ୍ୟ ଏଯାଏ ନାବାଳିକା ଓ ଅପହରଣକାରୀଙ୍କ ପତ୍ତା ପାଇନି ପୋଲିସ। ସେପଟେ ସରକାରୀ ଦପ୍ତରକୁ ଦୌଡି ଦୌଡି ନାବାଳିକା ପରିବାର ଲୋକ ନୟାନ୍ତ ହେଲେଣି। ଝିଅ ନମିଳିଲେ ଆତ୍ମହତ୍ୟା ଶେଷ ରାସ୍ତା ବୋଲି କହିଛନ୍ତି ପରିବାର ଲୋକ। ଗତ ଫେବ୍ରୁଆରି ୧୦ ତାରିଖରେ ଦୁବୃର୍ତ୍ତମାନେ ନାବାଳିକାଙ୍କୁ ତାଙ୍କ ଘରୁ ଅପହରଣ କରିନେଇଥିଲେ। ଏନେଇ ନାବାଳିକାଙ୍କ ପରିବାର ଲୋକ କେଶିଙ୍ଗା ଥାନାରେ ଏତଲା ଦେଇଥିଲେ। ଆଜକୁ ୭ ମାସ ପୂରି ଯାଇଥିଲେ ମଧ୍ୟ ଏଯାଏ ପୋଲିସ ଦୁବୃର୍ତ୍ତଙ୍କ ଟେର ବି ପାଇନଥିବା ଅଭିଯୋଗ କରିଛନ୍ତି ସମ୍ପର୍କୀୟ। ସେପଟେ ଦୁର୍ବୃଙ୍କୁ ଖୁବଶୀଘ୍ର ଗିରଫ କରି ନାବାଳିକାକୁ ଉଦ୍ଧାର କରାଯିବ ବୋଲି କହିଛନ୍ତି ମୟୂରଭଂଜ ଏସପି କହିଛନ୍ତି।
