ବରଗଡ ଧନୁଯାତ୍ରାରେ ଶୁଭିବ ବଳରାମଙ୍କ ସ୍ବର, ଅଭିନୟ କରିବେ କିଷନ
ବରଗଡ: ବିଶ୍ୱପ୍ରସିଦ୍ଧ ବରଗଡ଼ ଧନୁଯାତ୍ରାର ବଳରାମ ଭୂମିକାରେ ଅଭିନୟ କରିବେ କିଷନ ବିରତିଆ । ବଳରାମ ଭୂମିକା ପାଇଁ ପୂର୍ବରୁ ଚୟନ ହେଇଥିବା ଶ୍ରେୟାଂଶ ପୂଜାରୀଙ୍କ ଅକାଳ ବିୟୋଗ ପରେ ହୀରକ ଜୟନ୍ତୀ ପାଳନ କରୁଥିବା ବରଗଡ଼ ଧନୁଯାତ୍ରା କମିଟିକୁ ନୂଆ ବଳରାମ ମିଳିଯାଇଛନ୍ତି ।
ଧନୁଯାତ୍ରା ପୂର୍ବରୁ ବଳରାମ ଭୂମିକାରେ ଅଭିନୟ କରୁଥିବା କଳାକାର କଳାକାର ଶ୍ରେୟାଂଶ ପୂଜାରୀଙ୍କ ଅକାଳ ବିୟୋଗ ହୋଇଥିଲା । ଖେଳୁଥିବା ସମୟରେ ତଳେ ପଡ଼ିଯାଇଥିଲେ ଶ୍ରେୟାଂଶ । ଗୁରୁତର ଅବସ୍ଥାରେ ତାଙ୍କୁ ଡାକ୍ତରଖାନା ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ହୃଦଘାତରେ ତାଙ୍କ ମୃତ୍ୟୁ ଘଟିଥିବା ଡାକ୍ତର ସୂଚନା ଦେଇଥିଲେ । ସପ୍ତମ ଶ୍ରେଣୀରେ ପାଠ ପଢୁଥିଲେ ଶ୍ରେୟାଂଶ । ୭୫ତମ ଧନୁଯାତ୍ରାରେ ବଳରାମ ଭୂମିକାରେ ଅଭିନୟ ପାଇଁ ସେ ଚୟନ ହୋଇଥିଲେ । ପ୍ରସିଦ୍ଧ ଧନୁଯାତ୍ରାକୁ ୧୭ ଦିନ ବାକି ଥିବା ପୂର୍ବରୁ ଶ୍ରେୟାଂଶଙ୍କ ଅକାଳ ବିୟୋଗ ଖବର ବରଗଡ଼ ଓ ଅମ୍ବାପାଲିରେ ଶୋକର ଛାୟା ଖେଳିଯାଇଛି ।
