ବାତ୍ୟାକୁ ଆଦୌ ହାଲୁକା ଭାବରେ ନେଉନାହାଁନ୍ତି ସରକାର
ଭୁବନେଶ୍ୱର: ଅତି ଭୟଙ୍କର ରୂପ ନେଇ ମାଡି ଆସୁଛି ବାତ୍ୟା ‘ଅମ୍ଫାନ’ । ବାତ୍ୟା ମୁକାବିଲା ନେଇ ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ସୂଚନା ଦେଇଛନ୍ତି ।ବାତ୍ୟା ମୁକାବିଲା ପାଇଁ ସବୁ ପ୍ରୟାସ କରାଯାଉଛି । ସରକାର ଏହାକୁ ଆଦୌ ହାଲୁକା ଭାବରେ ନେଇ ନାହାନ୍ତି ବୋଲି ମୁଖ୍ୟ ଶାସନ ସଚିବ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ବାତ୍ୟା ସତର୍କତା ନେଇ ସବୁ ଜିଲ୍ଲାପାଳଙ୍କ ସହ ଲଗାତାର ଯୋଗାଯୋଗରେ ରହିଛୁ । ଅମ୍ଫାନରେ ପ୍ରଭାବିତ ହେବାକୁ ଥିବା ୧୨ ଜିଲ୍ଲାର ଜିଲ୍ଲାପାଳଙ୍କ ସହ ମୁଖ୍ୟମନ୍ତ୍ରୀ କଥା ହୋଇଛନ୍ତି ।
ବତ୍ୟାକୁ ନେଇ ପୁରୁଣା ଅଭିଜ୍ଞତା ଥିବା ୪ ଆଇଏସ୍ଙ୍କୁ ୪ଟି ଜିଲ୍ଲାକୁ ପଠାଯାଇଛି । କ୍ୟାବିନେଟ ସଚିବ, କେନ୍ଦ୍ର ଗୃହ ସଚିବ ମଧ୍ୟ ବାତ୍ୟା ନେଇ ସମୀକ୍ଷା କରିଛନ୍ତି । ବିଦ୍ୟୁତ ସରବରାହ ବିଚ୍ଛିନ୍ନ ସମ୍ଭାବନା ଥିବାରୁ ତା ପାଇ ସଜାଗ ରହିଛନ୍ତି ପୁରା ଟିମ୍ । ତେବେ ଆମେ ବାତ୍ୟାକୁ ଗୁରୁତ୍ୱର ସହ ନେଇଛୁ, ପୂରା ସଜାଗ ଅଛୁ ବୋଲି କହିଛନ୍ତି ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ସୂଚନା ଦେଇଛନ୍ତି ।
ଉତ୍ତର ଓଡ଼ିଶାରେ ୧୧୦ରୁ ୧୨୦ କି.ମି ବେଗରେ ପବନ ବହିପାରେ: ଛାତ ଘରେ ରହିବାକୁ ପରାମର୍ଶ
