ଆହୁରି ୨ଟି ବଗିରୁ ଜାରି ରହିଛି ଉଦ୍ଧାର କାର୍ଯ୍ୟ, ଘଣ୍ଟେ ଦୁଇ ଘଣ୍ଟା ମଧ୍ୟରେ ଜଣାପଡ଼ିବ ପ୍ରକୃତ ମୃତ୍ୟୁସଂଖ୍ୟା

ଭୁବନେଶ୍ୱର: ଟ୍ରେନ୍ ଦୁର୍ଘଟଣା ନେଇ ମୁଖ୍ୟ ଶାସନ ସଚିବ ପ୍ରଦୀପ ଜେନାଙ୍କ ସୂଚନା । ବର୍ତ୍ତମାନ ଆଉ କୌଣସି ଆହତ ମେଡିକାଲକୁ ଆସୁ ନାହାନ୍ତି । ଆହତଙ୍କ ସଂଖ୍ୟା ସେହି ୯୦୦ରେ ରହିଛି । ଏବେ ବି ୨ଟି ବଗି ରହିଛି । ତାହା ଭିତରେ ଯାହା ଲୋକ ଥିବେ । ଏହି ୨ ବଗିକୁ କାଟି କି ବାହାର କରାଯାଉଛି । ଏହି ୨ଟି ବଗିରୁ ଯାତ୍ରୀଙ୍କୁ ଉଦ୍ଧାର କରିବା ପାଇଁ ଆହୁରି ୨ ରୁ ୩ ଘଣ୍ଟା ଲାଗିବ । ମୃତ୍ୟୁ ସଂଖ୍ୟାକୁ ନେଇ ଅନେକ ଆଲୋଚନା ଚାଲିଛି । କିନ୍ତୁ ଆମ ପାଖରେ ୨୩୮ ଜଣଙ୍କ ମୃତ୍ୟୁ ହୋଇଥିବା ସୂଚନା ରହିଛି । ଏହି ସଂଖ୍ୟା ପରେ ମଧ୍ୟ ଟ୍ରେନ୍ ଲାଇନରୁ ଆହୁରି ଶବ ଉଦ୍ଧାର କରାଯାଉଛି । ଘଣ୍ଟେ ଦୁଇ ଘଣ୍ଟା ମଧ୍ୟରେ ସମ୍ପୂର୍ଣ୍ଣ ସ୍ଥିତି ଜଣା ପଡ଼ିବ ବୋଲି କହିଛନ୍ତି ମୁଖ୍ୟ ଶାସନ ସଚିବ ପ୍ରଦୀପ ଜେନା ।

ସେହିପରି ବର୍ତ୍ତମାନ କିଛି ଲୋକେ ମୃତଦେହକୁ ଚିହ୍ନଟ କରି ନେଉଛନ୍ତି । ଯଦି କିଛି ମୃତଦେହକୁ କେହି ଚିହ୍ନଟ ନ କରି ପାରୁନାହାନ୍ତି ତେବେ ନିୟମ ଅନୁଯାୟୀ କାମ ହେବ । ଆମେ ଆହୁରି ୫୦୦ ଡେଡ୍ ବଡି କଭର ପଠେଇଛୁ । ଟିମ୍ ପୁରା କାମରେ ଲାଗିଛନ୍ତି ବୋଲି କହିଛନ୍ତି ମୁଖ୍ୟ ଶାସନ ସଚିବ ।