ଏଚ୍ଡିଏଫ୍ସି ବ୍ୟାଙ୍କର ୮ଟି ଶାଖାକୁ ଉଦଘାଟନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ…
1 min readଭୁବନେଶ୍ୱର: ରାଜ୍ୟରେ ବ୍ୟାଙ୍କିଙ୍ଗ୍ ନେଟୱର୍କର ସଂପ୍ରସାରଣରେ ସହଯୋଗ କରିଛନ୍ତି ଘରୋଇ ବ୍ୟାଙ୍କ । ଆଜି ଏଚଡିଏଫସି ବ୍ୟାଙ୍କର ୮ଟି ଶାଖାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନଫରେନିସଂରେ ଉଦଘାଟନ କରିଛନ୍ତି । ୫ଟି ଶାଖା ଖୋର୍ଦ୍ଧାରେ ଓ ସୁନ୍ଦରଗଡ, ସମ୍ବଲପୁର ଓ କେନ୍ଦ୍ରାପଡାରେ ଗୋଟିଏ ଲେଖାଏଁ ଶାଖା ଖୋଲିଛି । ୮ଟି ନୂଆ ବ୍ୟାଙ୍କ ଶାଖା ଦ୍ୱାରା ୧୦୦ଟି ନୂଆ ନିଯୁକ୍ତି ସୁଯୋଗ ସୃଷ୍ଟି ହେବ ।
ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଯେ, ଏଚ୍ଡିଏଫସି ବ୍ୟାଙ୍କ ଗ୍ରାମାଞ୍ଚଳ ଓ ଅର୍ଦ୍ଧ- ସହରାଞ୍ଚଳରେ ବ୍ୟାଙ୍କ ଶାଖା ସଂପ୍ରସାରଣ କରୁଛି । ମହାମାରୀ ସମୟରେ ଏହି ବ୍ୟାଙ୍କର ଶାଖା ଖୋଲିବା ବ୍ୟାଙ୍କ ସହ ଯୋଡି ହୋଇନଥିବା ଲୋକଙ୍କୁ ଆର୍ଥିକ ପରିଚାଳନାରେ ସହାୟକ ହେବ । ରାଜ୍ୟରେ ବ୍ୟାଙ୍କିଙ୍ଗ୍ ନେଟୱର୍କର ସଂପ୍ରସାରଣରେ ଏଚଡିଏଫସି ବ୍ୟାଙ୍କର ଅବଦାନକୁ ମୁଖ୍ୟମନ୍ତ୍ରୀ ପ୍ରଶଂସା କରିଛନ୍ତି ।
ବିକେନ୍ଦ୍ରୀକୃତ ଅର୍ଥନୀତି ଯୋଗୁ ଓଡିଶା ସାରା ଦେଶରେ ମଡେଲ ରାଜ୍ୟର ମାନ୍ୟତା ପାଇଛି । ଆଗକୁ ଏଚଡିଏଫସି ବ୍ୟାଙ୍କ ରାଜ୍ୟରେ ଅଧିକ ଶାଖା ଖୋଲିବ । ଏଥିପାଇଁ ରାଜ୍ୟ ସରକାର ସବୁ ପ୍ରକାର ସହାୟତା ଯୋଗାଇଦେବେ ବୋଲି ମୁଖ୍ୟମନ୍ତ୍ରୀ କହିଛନ୍ତି ।
