ହାଇକୋର୍ଟ ପରିସରରେ ଉଦଘାଟିତ ହେଲା ବସବର ଟ୍ରକିଂ ସିଷ୍ଟମ୍
1 min read
କଟକ: ହାଇକୋର୍ଟ ପରିସରରେ ସୋମବାର ଦିନ ମୁଖ୍ୟ ବିଚାରପତି ଡ. ଏସ୍.ମୁରଲୀଧରଙ୍କ ଦ୍ୱାରା ବସବର ଟ୍ରକିଂ ସିଷ୍ଟମ ଓ ଇଲେକ୍ଟ୍ରିକାଲ୍ କଣ୍ଟ୍ରୋଲ୍ ରୁମ୍ ଉଦଘାଟିତ ହୋଇଯାଇଛି । ଏହି ଅବସରରେ ଭିଡ଼ିଓ କନଫରେନ୍ସିଂ ଜରିଆରେ କୋର୍ଟ ବିଲ୍ଡିଂ କମିଟିର ଚେୟାରମ୍ୟାନ୍ ଜଷ୍ଟିସ୍ ସି.ଆର ଦାସ ଓ କୋର୍ଟ ବିଲ୍ଡିଂ କମିଟିର ସଦସ୍ୟ ତଥା ହାଇକୋର୍ଟ ଜଜ୍ ଜଷ୍ଟିସ୍ ପ୍ରମଥ ପଟ୍ଟନାୟକ ଯୋଗ ଦେଇଥିଲେ।
ଏହାବ୍ୟତୀତ ଆଡଭୋକେଟ୍ ଜେନେରାଲ୍ ଅଶୋକ କୁମାର ପରିଜା, ଓଡ଼ିଶା ହାଇକୋର୍ଟ ବାର ଆସୋସିଏସନ୍ ପ୍ରେସିଡେଣ୍ଟ ଜଗବନ୍ଧୁ ସାହୁ, ଓଡ଼ିଶା ସରକାରଙ୍କ ୱାର୍କ୍ସ ଡିପାର୍ଟମେଣ୍ଟ ସେକ୍ରେଟାରୀ ତଥା ଇଞ୍ଜିନିୟର-ଇନ୍-ଚିଫ୍ (ବିଲ୍ଡିଂ) ଡ. କିଷନ୍ କୁମାରଙ୍କ ସମେତ ଅନ୍ୟ ରେଜିଷ୍ଟ୍ରି ସଦସ୍ୟ ଭର୍ଚୁଆଲି ଯୋଗ ଦେଇଥିଲେ।
ବସବର ଟ୍ରକିଂ ସିଷ୍ଟମ୍ ନିର୍ମାଣ କରିବାର ସମସ୍ତ କାର୍ଯ୍ୟ ସୁରକ୍ଷା ପ୍ରୋଟୋକଲ୍ ମଧ୍ୟରେ ଧାର୍ଯ୍ୟ ୩୩ ଦିନ ଭିତରେ ସମାପ୍ତ ହୋଇଥିବା ନେଇ ୱାର୍କ୍ସ ଡିପାର୍ଟମେଣ୍ଟ ପକ୍ଷରୁ ସୂଚନା ଦିଆଯାଇଛି।