ଉପ ନିର୍ବାଚନ ନେଇ ମୁଖ୍ୟ ନିର୍ବାଚନ ଅଧିକାରୀଙ୍କ ସୂଚନା: ଶେଷ ପର୍ଯ୍ୟାୟରେ ପହଞ୍ଚିଛି ପ୍ରସ୍ତୁତି, ଏନ୍ବିଡବ୍ଳ୍ୟୁରେ ୪୧୦ ଜଣ ଗିରଫ
ଭୁବନେଶ୍ୱର: ଭୋଟିଂ ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ପୋଲିଂ କର୍ମଚାରୀ ୨ ନିର୍ବାଚନ ମଣ୍ଡଳୀକୁ ଯାଇଛନ୍ତି । ୨ ନିର୍ବାଚନ ମଣ୍ଡଳୀରେ ସଂଧ୍ୟା ୬ରେ ସରିବ ପ୍ରଚାର । ୫୨ଟି ନିୟମ ଉଲ୍ଳଂଘନ ମାମଲା ହୋଇଛି । ବାଲେଶ୍ୱରରେ ୩୪୬ ପୋଲିଂ ବୁଥ, ୧୮୦୦ ପୋଲିଂ କର୍ମଚାରୀ । ତିର୍ତ୍ତୋଲ ପାଇଁ ୧୯୪୦ ପୋଲିଂ କର୍ମଚାରୀ ନିୟୋଜିତ । ପ୍ରତି ବୁଥରେ ଜଣେ ଲେଖାଏଁ ଆଶାକର୍ମୀ ନିୟୋଜିତ । ଆଶାକର୍ମୀଙ୍କ ସହ ଜଣେ ଲେଖାଏଁ ସ୍ୱେଚ୍ଛାସେବୀ ନିୟୋଜିତ । କୋଭିଡ ନିୟମ ପାଳନ ହେଉଛି କି ନାହିଁ ତାକୁ ଦେଖିବେ । ପ୍ରତି ଭୋଟରଙ୍କୁ ସାନିଟାଇଜ୍ କରିବେ ଆଶାକର୍ମୀ । ଆଜି ୬ଟା ପରେ ଡୋର ଟୁ ଡୋର ପ୍ରଚାରକୁ ବାରଣ । ନିର୍ବାଚନ ମଣ୍ଡଳୀ ବାହାର ଲୋକ ସେଠାରେ ରହିବେନି । କେହି ରହିଥିଲେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ । ସବୁ ପ୍ରବେଶ ପଥରେ ଚେକିଂ କଡ଼ାକଡ଼ି କରାଯାଇଥିବା ସାମ୍ୱାଦିକ ସମ୍ମିଳନୀରେ ସୂଚନା ଦେଇ ମୁଖ୍ୟ ନର୍ବାଚନ ଅଧିକାରୀ ସୁଶୀଲ କୁମାର ଲୋହାନୀ ।
ଏଥିସହିତ ସନ୍ଧ୍ୟା ୬ଟା ପରେ ପ୍ରଚାର ବନ୍ଦ ହେଉଥିବା ବେଳେ ପୋଲିସ ଚେକିଂ ବ୍ୟାପକ ହେବ । ବାହାର ଲୋକ ନିର୍ବାଚନ ମଣ୍ଡଳରେ ରହି ପାରିବେ ନାହିଁ । ବାଲେଶ୍ୱରରେ ୩୪୬ ପୋଲିଂ ପାର୍ଟି, ତିର୍ତ୍ତୋଲରେ ୩୭୩ ପୋଲିଂ ପାର୍ଟି । ୩୨୯ଟି ଲାଇସେନ୍ସ ସରେଣ୍ଡାର କରାଯାଇଛି । ସତର୍କତା ସ୍ୱରୂପ ୩୬୬୮ ଜଣଙ୍କୁ ଅଟକ ରଖାଯାଇଛି । ଜାମିନ ବିହୀନ ପରଓ୍ୱାନା ବଳରେ ୪୧୦ ଜଣ ଗିରଫ କରାଯାଇଛି । ରାଜନୀତିକ ହିଂସା ନେଇ ୩ଟି ମାମଲା ରୁଜ୍ଜୁ ହୋଇଛି । ଅବକାରୀ ଜବତ ପରିମାଣ ୧୭ ଲକ୍ଷ ୨୯ ହଜାର । ୮୦୦ ଆଶାକର୍ମୀ ଓ ୮୦୦ ସ୍ୱେଚ୍ଛାସେବୀ ନିୟୋଜିତ ହୋଇଛନ୍ତି । ବାହାର ନିର୍ବାଚନ ମଣ୍ଡଳୀର ଲୋକେ ଅଞ୍ଚଳ ଛାଡିବାକୁ ନିର୍ଦେଶ ।
