ଚିଦାମ୍ବରମଙ୍କ ପାଇଁ ବଢ଼ିଲା ଅଡୁଆ

ସିବିଆଇ ପରେ ପୂର୍ବତନ ଅର୍ଥମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ପି. ଚିଦାମ୍ବରମଙ୍କୁ ଆସନ୍ତାକାଲି ଗିରଫ କରି ନିଜ ହେପାଜତକୁ ନେବ ପ୍ରବର୍ତନ ନିର୍ଦ୍ଦେଶାଳୟ। ଦିଲ୍ଲୀର ସ୍ୱତନ୍ତ୍ର କୋର୍ଟ ଆଜି ଏ ନେଇ ଇଡିକୁ ଅନୁମତି ପ୍ରଦାନ କରିଛନ୍ତି। ଆଇଏନଏକ୍ସ ମିଡିଆ ଡିଲ୍‌ ମାମଲାରେ ସେପ୍ଟେମ୍ବର ୫ରୁ ତିହାର ଜେଲରେ ଥିବା ଚିଦାମ୍ବରମଙ୍କୁ ଇଡି ଆସନ୍ତାକାଲି ଗିରଫ କରିବା ପରେ ଅପରାହ୍ନରେ କୋର୍ଟରେ ହାଜର କରିବ। ଏହାପରେ ତାଙ୍କୁ ଜେରା କରିବାକୁ ଅଧ ଘଣ୍ଟାଏ ସମୟ ଦେଇଛନ୍ତି କୋର୍ଟ। ଏ ସବୁଥିରେ ଜଣେ ବ୍ୟକ୍ତିର ସମ୍ମାନ ଯେଭଳି କ୍ଷୁଣ୍ଣ ନହୁଏ ସେଥିପ୍ରତି ଦୃଷ୍ଟିଦେବାକୁ ଏଜେନ୍ସି ଅଧିକାରୀଙ୍କୁ ଚେତାଇଛନ୍ତି କୋର୍ଟ। ସେପଟେ ସୁପ୍ରିମକୋର୍ଟରେ ଜାମିନ୍‌ ପାଇଁ ଆବେଦନ କରିଛନ୍ତି ଚିଦାମ୍ବରମଙ୍କ ଓକିଲ କପିଲ ଶିବଲ। ତିହାରରେ ଥିବା ସମୟରେ ସେ ଇଡି ସାମ୍ନାରେ ହାଜର ହେବାକୁ ରାଜି ବୋଲି କୋର୍ଟଙ୍କୁ ଜଣାଇଛନ୍ତି। ଜାଣିଶୁଣି ତାଙ୍କୁ ଅପମାନିତ କରିବାକୁ ଜେଲରେ ୬୦ ଦିନ ରଖିବାକୁ ଏକ ଯୋଜନା କରାଯାଇଥିବା ସିବଲ ସୁପ୍ରିମକୋର୍ଟରେ ଯୁକ୍ତି ଉପସ୍ଥାପନ କରିଥିଲେ। ତେବେ ବାରମ୍ବାର ଚିଦାମ୍ବରମଙ୍କ ଜାମିନ୍‌ ଆବେଦନ ଖାରଜ୍‌ ହୋଇଛି। ଏବେ ଇଡି ଅଧିକାରୀ ଚିଦାମ୍ବରମଙ୍କୁ ହେପାଜତକୁ ନେବାପରେ ତାଙ୍କ ପାଇଁ ଅଡୁଆ ବଢିବ ବୋଲି ଜଣାପଡ଼ିଛି। ')}