ଆତ୍ମଘୋଷିତ ବାବା କାଳୀଚରଣ ଗିରଫ
ଛତିଶଗଡ଼: ଜାତିର ପିତା ମହାତ୍ମା ଗାନ୍ଧିଙ୍କୁ ନେଇ ବିବାଦୀୟ ବୟାନ ଦେଇଥିବା ଆତ୍ମଘୋଷିତ ବାବା କାଳୀଚରଣଙ୍କୁ ବାନ୍ଧିଲା ଛତିଶଗଡ଼ ପୋଲିସ । ପୋଲିସ ତାଙ୍କୁ ଗିରଫ କରିବାରେ ବିଫଳ ହେଉଥିବା ଅଭିଯୋଗକୁ ନେଇ ସାରା ଦେଶରେ ବଢ଼ିବାରେ ଲାଗିଥିଲା ଅସନ୍ତୋଷ । ମଧ୍ୟ ପ୍ରଦେଶର ଖଜୁରାହୋରୁ ଛତିଶଗଡ ପୋଲିସ ତାଙ୍କୁ ଗିରଫ କରିଛି ।
ଛତିଶଗଡର ରାୟପୁରରେ ଆୟୋଜିତ ଧର୍ମ ସଂସଦରେ ଜାତିର ପିତା ମହାତ୍ମା ଗାନ୍ଧିଙ୍କ ପ୍ରତି ବିବାଦୀୟ ବୟାନ ଦେଇ ଚର୍ଚ୍ଚାକୁ ଆସିଥିଲେ ବାବା କାଳୀଚରଣ । ତାଙ୍କୁ ଚାରିଆଡୁ ସମାଲୋଚିତ ହେବାକୁ ପଡିଥିଲା । ଗତ ୧୯ ତାରିଖରେ ଛତିଶଗଡ଼ ରାୟପୁରରେ ଆୟୋଜିତ ଧର୍ମ ସଂସଦରେ କାଳୀଚରଣ ବିବାଦୀୟ ଭାଷଣ ଦେଇଥିଲେ । ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବାପରେ କାଳୀଚରଣଙ୍କ ବିରୋଧରେ ମାମଲା ରୁଜୁ ହୋଇଥିଲା । ଏହାପରେ କାଳୀଚରଣ ଛତିଶଗଡ଼ରୁ ଫେରାର ହୋଇଯାଇଥିଲେ ।
ଗାନ୍ଧିଜୀଙ୍କ ପ୍ରତି ବିବାଦୀୟ ବୟାନ ଦେବା ପରେ କାଳୀଚରଣଙ୍କୁ ତୁରନ୍ତ ଗିରଫ କରିବାକୁ ପୂରା ଦେଶରୁ ଉଠିଥିଲା ସ୍ବର । ହେଲେ ତାଙ୍କୁ ଗିରଫ କରିବାରେ ବିଳମ୍ବକୁ ନେଇ ପୋଲିସକୁ କାଠଗଡ଼ାରେ ଛିଡ଼ା ହେବାକୁ ପଡ଼ିଥିଲା । ପୋଲିସର କାର୍ଯ୍ୟାନୁଷ୍ଠାନକୁ ନେଉ ଉଠୁଥିଲା ଏକାଧିକ ପ୍ରଶ୍ନ ।
