ଦେଶର ପ୍ରଥମ ରାଜ୍ୟ ଭାବେ ଛତିଶଗଡ଼ ପେଗାସସ୍ ସ୍ପାଇଓ୍ୱେରର ତଦନ୍ତ ନିର୍ଦ୍ଦେଶ ଦେଇଛି

1 min read

ଭାରତର ପ୍ରଥମ ରାଜ୍ୟ ଭାବେ ଛତିଶଗଡ଼ ପେଗାସସ୍ ସ୍ପାଇୱେର ଏବଂ ଏହାର ଗୁଇନ୍ଦାଗିରି ପଛରେ ଥିବା ରହସ୍ୟ ଖୋଜିବା ଆରମ୍ଭ କରିଛି। ରାଜ୍ୟର ମୁଖ୍ୟମନ୍ତ୍ରୀ ଭୂପେଶ ବାଘେଲ୍ ଏ ନେଇ ଏକ ସ୍ୱତନ୍ତ୍ର ଟିମ୍ ଗଠନ କରିଛନ୍ତି। ଗୃହ ସଚିବ, ଲୋକସମ୍ପର୍କ ସଚିବ ଏବଂ ପୁଲିସ ଆଇଜିଙ୍କୁ ଏହି କମିଟିର ପ୍ରମୁଖ ସଦସ୍ୟ ଭାବେ ଗ୍ରହଣ କରାଯାଇଛି। ବିଜେପି ଶାସନ ସମୟରେ ଏହି ପେଗାସସ୍ ସ୍ପାଇୱେର ତିଆରି କରିଥିବା ଇସ୍ରାଏଲ୍ର ଏନ୍ଏସ୍ଓ କମ୍ପାନୀର କିଛି ପ୍ରତିନିଧି ରାଜ୍ୟକୁ ଆସିଥିଲେ ବୋଲି ସେ ସୂଚନା ଦେଇଛନ୍ତି।

ପୂର୍ବତନ ମୁଖ୍ୟମନ୍ତ୍ରୀ ରମଣ ସିଂହ ଏ ବାବଦରେ ଜନସାଧାରଣଙକ୍ ଆଗରେ ସୂଚନା ରଖିବା ଦରକାର ବୋଲି କହିଛନ୍ତି ବାଘେଲ୍। ସେ କାହାକୁ ସେ ସମୟରେ ଭେଟିଥିଲେ ଏବଂ କେଉଁମାନଙ୍କ ଟେଲିଫୋନ୍ ଟ୍ୟାପ୍ କରିବା ପାଇଁ ସରକାର ଆଦେଶ ଦେଇତିଲେ ତାହା ରମଣ ଜଣାନ୍ତୁ ବୋଲି ମୁଖ୍ୟମନ୍ତ୍ରୀ ଦାବି କରିଛନ୍ତି।

୨୦୧୯ ମସିହାରେ ହ୍ୱାଟସ୍‌ଆପ୍ ତରଫରୁ କିଛି ଲୋକ ପ୍ରତିନିଧି ଓ ଅଧିକାରୀଙ୍କ ମୋବାଇଲକୁ ଏକ ସୂଚନା ଆସିଥିଲା। ଏହି ସୂଚନା ଅନୁସାରେ ସେମାନଙ୍କ ମୋବାଇଲ୍ ପେଗାସସ୍ ସ୍ପାଇୱେର ଦ୍ୱାରା କବଳିତ ହୋଇଥିବା ଦର୍ଶାଯାଇଥିଲା। ଏଥିରେ କିଛି ଦଳିତ ଅଧିକାର କର୍ମୀ  ଓ ଆଇନଜୀବୀ ସାମିଲ୍ ଥିବା ଜାତୀୟ ଗଣମାଧ୍ୟମରେ ପ୍ରକାଶ ପାଇଛି । ଭାରତର ୩୦୦ରୁ ଅଧିକ ରାଜନେତା, ସରକାରୀ କର୍ମଚାରୀ, ସାମ୍ୱାଦିକ, ଓକିଲ ଓ ଅଧିକାର କମର୍ମୀଙ୍କ ଫୋନ୍ ହ୍ୟାକ୍  କରାଯାଇଥିବା ନେଇ ଅଭିଯୋଗ ହୋଇଛି। ସରକାର ଯଦିଓ ଏହି ହ୍ୟାକ୍ ମାମଲାରେ ସମ୍ପୃକ୍ତ ନଥିବା ସୂଚନା ମନ୍ତ୍ରୀ ସ୍ପଷ୍ଟ କରିଛନ୍ତି କିନ୍ତୁ ସରକାର ପେଗାସସ୍ ବ୍ୟବହାର କରୁ ନଥିବା ନେଇ କିଛି ସ୍ପଷ୍ଟ କରିନାହାନ୍ତି।

ଏଥିସହିତ ପଢ଼ନ୍ତୁ: ଭାରତରେ ଆରମ୍ଭ ହେବ ଡିଜିଟାଲ କରେନ୍ସୀ,ସେଣ୍ଟ୍ରାଲ୍ ବ୍ୟାଙ୍କ୍ ଡିଜିଟାଲ୍ କରେନ୍ସୀ ( ସିବିଡିସି) ପ୍ରଚଳନ ପାଇଁ ଆରବିଆଇ ତତ୍ପର

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published. Required fields are marked *