ରାହୁଲଙ୍କୁ ନୂଆ ଜୀବନ ଦେଇଥିବା ଉଦ୍ଧାରକାରୀ ଦଳ ସମ୍ବର୍ଦ୍ଧିତ
ଚମ୍ପା: ଦେଶର ସବୁଠାରୁ ବଡ ରେସ୍କ୍ୟୁ ଅପରେସନର ହିରୋଙ୍କୁ ସମ୍ମାନ । ୬୫ ଫୁଟ୍ ଗଭୀର ବୋରଓ୍ବେଲରୁ ରାହୁଲକୁ ସୁରକ୍ଷିତ ଉଦ୍ଧାର କରିଥିବା ଉଦ୍ଧାରକାରୀ ଟିମଙ୍କୁ ମୁଖ୍ୟମନ୍ତ୍ରୀ ଭୂପେଶ ବଘେଲ ସମ୍ପର୍ଦ୍ଧିତ କରିଛନ୍ତି । ଦୀର୍ଘ ୫ ଦିନ ଅକ୍ଲାନ୍ତ ପରିଶ୍ରମ କରି ରାହୁଲକୁ ଜୀବିତ ଓ ସୁରକ୍ଷିତ ଉଦ୍ଧାର କରି ସାରା ଦେଶର ହିରୋ ପାଲଟିଥିବା ଉଦ୍ଧାରକାରୀ ଟିମ୍ ସେ ସମୟର ରୁମ ଟାଙ୍କୁରା ଅନୁଭୁତି ବଖାଣିଛନ୍ତି ।
ଗୁରୁତ୍ବପୂର୍ଣ୍ଣ କଥା ହେଲା ୬୫ ଫୁଟର ବୋରଓ୍ବେଲ ଭିତରେ ରାହୁଲ ଏକା ନଥିଲା । ସାଥୀରେ ଏକ ବେଙ୍ଗ ଓ ବିଷାକ୍ତ ବୋଡ଼ା ସାପ ମଧ୍ୟ ଥିଲା । ସମାନ୍ୟ ଅସାବଧାନତା ରାହୁଲର ଜୀବନ ନେଇ ପାରିଥାନ୍ତା । ଏମିତି ସ୍ଥିତିରେ ରହୁଲଙ୍କୁ ଉଦ୍ଧାର କରିଥିବା ଟିମ୍ ନିଶ୍ଚିତ ରୂପେ ପୁରସ୍କୃତ ହେବାର ପାତ୍ର ।
ରାୟପୁରରେ ଆୟୋଜିତ ସମ୍ବର୍ଦ୍ଧନା ସମାରୋହରେ ଏନଡିଆରଏଫ୍ ଓ ଏସଡିଆରଏଫ୍ ଟିମକୁ ମୁଖ୍ୟମନ୍ତ୍ରୀ ବଘେଲ ସମ୍ବର୍ଦ୍ଧିତ କରିବା ସହ ରାହୁଲ ରେସ୍କ୍ୟୁ ଉପରେ ଡକ୍ୟୁମେଣ୍ଟାରୀ ନିର୍ମାଣ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ସେପଟେ ଏନଡିଆରଏଫ ଟିମ୍କୁ ଆଉ ଥରେ ସମ୍ମାନିତ କରାଯିବ ବୋଲି ଜଣାପଡିଛି ।
ସୂଚନାଯୋଗ୍ୟ, ଗତ ଶୁକ୍ରାବର ରାହୁଲ ଖେଳୁଥିବା ବେଳେ ବୋରଓ୍ବେଲରେ ପଡି ଯାଇଥିଲା । ପ୍ରାୟ ୬୫ ଫୁଟ୍ ଗଭୀରରେ ରାହୁଲ ପଡିଥିବା ବେଳେ ତାକୁ ଉଦ୍ଧାର କରିବାକୁ ଉଦ୍ୟମ ଆରମ୍ଭ ହୋଇଥିଲା । ଏଥିରେ ଏନଡିଆରଏଫ, ପିଡିଆରଏଫ, ପୋଲିସ ସହ ଭାରତୀୟ ସେନା ମୁତୟନ ହୋଇଥିଲେ । ୬୫ ଫୁଟ ଭଗୀରର ଟନେଲ ଖୋଳାଯାଇଥିଲା । ଏହାପରେ ଏକ ବିରାଟ ପଥରକୁ କାଟି ରାହୁଲଠାରୁ ୪ ଫୁଟ ଦୂରରେ ପହଞ୍ଚି ଥିଲେ ଉଦ୍ଧାରକାରୀ ଟିମ୍ । ଏହାପରେ ମେସିନ ବଦଳରେ ହାତରେ ପଥର କଟା ଆରମ୍ଭ ହୋଇଥିଲା । ଯାହାକୁ ପାର ହୋଇ ରାହୁଲ ପାଖରେ ପହଞ୍ଚିବାକୁ ଦୁଇଦିନ ଲାଗିଥିଲା । ଶେଷରେ ଉଦ୍ଧାରକାରୀ ଟିମ୍ ରାହୁଲକୁ ସୁରକ୍ଷିତ ବାହାରକୁ ଆଣିବାକୁ ସକ୍ଷମ ହୋଇଥିଲେ । ପରେ ରହୁଲକୁ ବିଳାସପୁର ଆପୋଲ ହସ୍ପିଟାଲକୁ ନିଆଯାଇଥିଲା ।
ଉଦ୍ଧାର ସମୟରେ ସ୍ଥାନୀୟ ଅଞ୍ଚଳରେ ପ୍ରବଳ ଗହଳି ଦେଖିବାକୁ ମିଳିଥିଲା । ହଜାର ହଜାର ଲୋକ ରାହୁଲ ଉଦ୍ଧାରର ସେହି ସମୟକୁ ଅପେକ୍ଷା କରି ରହିଥିଲେ । ରାହୁଲ ଉଦ୍ଧାର ପରେ ତାକୁ ମେଡିକାଲ ନେବାକୁ ଗ୍ରୀନ କରିଡର କରାଯାଇଥିଲା । ଆପୋଲ ନେବା ବାଟରେ ପଡୁଥିବା ସମସ୍ତ ମେଡିକାଲରୁ ହାଇ ଆଲର୍ଟରେ ରଖଯାଇଥିଲା । ରାହୁଲ ଉଦ୍ଧାର ହେବା ପରେ ଛତିଶଗଡରେ ସତେ ଯେମିତି ଦୀପାବଳି ପାଳନ ହୋଇଥିଲା । ଲୋକେ ବାଣ ଫୁଟାଇ ରାହୁଲ ଫେରିବାକୁ ଉତ୍ସବ ପରି ମନାଇଥିଲେ ।
