କୋର୍ଟ ପହଞ୍ଚିଲା ‘ଛପାକ’: ରିଲିଜ୍ ସ୍ଥଗିତ ରଖିବାକୁ ଆବେଦନ
ମୁମ୍ବାଇ: ବଲିଉଡ୍ ଅଭିନେତ୍ରୀ ଦୀପିକା ପାଦୁକୋନଙ୍କ ଅଭିନୀତ ଫିଲ୍ମ ‘ଛପାକ’ ଗୋଟିଏ ଦିନ ପରେ ରିଲିଜ୍ ହେବାକୁ ଯାଉଛି । ହେଲେ ରିଲିଜ୍ ପୂର୍ବରୁ ଏହାର ଏକ ବିଗ୍ କେସ୍ ଏବେ କୋର୍ଟରେ ପହଞ୍ଚିଯାଇଛି । ଆଇନଜୀବୀ ଅପର୍ଣ୍ଣା ଭଟ୍ଟ ଫିଲ୍ମର ରିଲିଜ୍କୁ ବନ୍ଦ କରିବାକୁ ଦିଲ୍ଲୀର ପଟିଆଲା ହାଉସ୍ କୋର୍ଟରେ ଆବେଦନ କରିଛନ୍ତି । ଅପର୍ଣ୍ଣା କହିଛନ୍ତି ସେ ବର୍ଷ ବର୍ଷ ଧରି ଏସିଡ୍ ପୀଡିତା ଲକ୍ଷ୍ମୀଙ୍କ ପାଇଁ କେଶ୍ ଲଢିଛନ୍ତି ହେଲେ ଫିଲ୍ମରେ ତାଙ୍କୁ କୌଣସି କ୍ରେଡିଟ୍ ଦିଆଯାଇନାହିଁ । ସେଥିପାଇଁ ସେ ଫିଲ୍ମର ରିଲିଜ୍କୁ ସ୍ଥଗିତ ରଖିବାକୁ ଆବେଦନ କରିଛନ୍ତି ।
ସୂଚନଯୋଗ୍ୟ, ଏହା ପୂର୍ବରୁ ମଧ୍ୟ ଜଣେ ଲେଖକ ଫିଇ୍ମର କପି ରାଇଟ୍ସକୁ ନେଇ ଅଭିଯୋଗ ଆଣିଥିଲେ । ମେଘନା ଗୁଲଜାରଙ୍କ ନିର୍ଦ୍ଦେଶିତ ଏହି ଫିଲ୍ମ ଏସିଡ୍ ଆଟାର୍କ ପୀଡିତା ଲକ୍ଷ୍ମୀଙ୍କ ଜୀବନ କାହାଣୀ ଉପରେ ଆଧାରିତ । ଏହା ଏଥର ଫ୍ରାଇଡେ ରିଲିଜ୍ରେ ପରଦାକୁ ଆସିଥାଆନ୍ତା ।
ତେବେ ସିନେମାରେ ଏସିଡ଼୍ ଆଟାକର ବଳିଷ୍ଠ କାହାଣୀ ଆପଣଙ୍କ ଅପେକ୍ଷାକୁ ବାନ୍ଧି ରଖିବ ସତ ହେଲେ ଦୀପିକାଙ୍କ ଲୁକ୍ ଦେଖିଲେ ଆପଣଙ୍କ ଲୋମ ଟାଙ୍କୁରି ଉଠିବ ।ସିନେମାରେ ଦୀପିକା ମାଳତୀ ଚରିତ୍ରରେ ନଜର ଆସିବେ ।
ଦୀପିକା କୁହନ୍ତି ଜୀବନରେ ସେ ଅନେକ ଚଳଚ୍ଚତ୍ର କରିଛନ୍ତି ଏବଂ ଆଗକୁ ମଧ୍ୟ ଅଭିନୟର ଯାତ୍ରା ଜାରି ରଖିବେ, ତେବେ ଛପ୍ପକ ତାଙ୍କ ଜୀବନରେ ଏକ ଅବିସ୍ମରଣୀୟ ଅଧ୍ୟାୟ । ମେଘନା ଗୁଲଜରଙ୍କ ନିର୍ଦ୍ଦେଶିତ ଏବଂ ସତ୍ୟ ଘଟଣା ଉପରେ ଆଧାରିତ ଏ ଚଳଚ୍ଚିତ୍ରକୁ ଅପେକ୍ଷା କରିଛନ୍ତି ସିନେପ୍ରେମୀ ।
