ସୂର୍ଯ୍ୟ ପରାଗ ପରେ ଥମିବ କରୋନା ସଂକ୍ରମଣ,କ’ଣ ପାଇଁ ଏମିତି କହିଲେ ବୈଜ୍ଞାନିକ…

ଚେନ୍ନାଇର ଜଣେ ଆଣବିକ ଏବଂ ଭୂ-ବୈଜ୍ଞାନିକ ଡକ୍ଟର କେ.ଏଲ୍ ସୁନ୍ଦର କୃଷ୍ଣ ଦାବି କରିଛନ୍ତି ଯେ, ଗତ ବର୍ଷ ଡିସେମ୍ବର ୨୬ରେ ହୋଇଥିବା ସୂର୍ଯ୍ୟ ପରାଗ ସହ କୋଭିଡ-୧୯ ମହାମାରୀର ସମ୍ବନ୍ଧ ରହିଛି । ଡକ୍ଟର କେ.ଏଲ ସୁନ୍ଦର କୃଷ୍ଣ ANI କୁ କହିଛନ୍ତି ଯେ, ଡିସେମ୍ବର ୨୬ରେ ହୋଇଥିବା ସୂର୍ଯ୍ୟ ପାରଗ ସୌର ମଣ୍ଡଳରେ ଗ୍ରହ ସଂରଚନାକୁ ବଦଳାଇ ଦେଇଛି ।

ସେ କହିଛନ୍ତି ଯେ ‘ଉତ୍‌ପରିବର୍ତ୍ତନ ପ୍ରଥମେ ଚାଇନାରେ ଦେଖାଯାଇଥିଲା କିନ୍ତୁ ଏହାର କୗଣସି ପ୍ରମାଣ ନାହିଁ । ଏହି ଉତ୍‌ପରିବର୍ତ୍ତନ କୌଣସି ପ୍ରକାର ପରୀକ୍ଷଣ କିମ୍ବା ସୁଚିନ୍ତିତ ପ୍ରୟାସର ଫଳାଫଳ ହୋଇପାରେ ବୋଲି ସେ ସନ୍ଦେହ କରିଛନ୍ତି | ସେ ଆହୁରି ମଧ୍ୟ ବିଶ୍ୱାସ ରଖିଛନ୍ତି ଯେ, ଆଗାମୀ ସର୍ଯ୍ୟ ପରାଗରେ ଏକ ବଡ଼ ପରିବର୍ତ୍ତନ ହୋଇପାରେ । ଏହି ଦିନ କରୋନା ଭାଇରସ୍‌ ସମ୍ପୂର୍ଣ୍ଣରୂପେ ବିଶ୍ୱରୁ ଧ୍ୱଂସ ହେବାର ସମ୍ଭାବନା ରହିଛି ।

ସେ ଆହୁରି ମଧ୍ୟ କହିଛନ୍ତି ଯେ, ଏହା ଏକ ପ୍ରାକୃତିକ ପ୍ରକ୍ରିୟା । ଏଥିପାଇଁ ଲୋକମାନେ ଅଯଥା ବିଭ୍ରାନ୍ତ କିମ୍ବା ଭୟଭୀତ ହୁଅନ୍ତୁ ନାହିଁ । ଏହି ମାରାତ୍ମକ ଜୀବାଣୁ ପାଇଁ ସୂର୍ଯ୍ୟ କିରଣ ଏବଂ ସୂର୍ଯ୍ୟ ପରାଗ ଏକ ପ୍ରାକୃତିକ ଉପଚାର ବୋଲି ପ୍ରମାଣିତ ହେବ ।