ଆଜି ବିଶ୍ବ ଛେନାପୋଡ଼ ଦିବସ, ନୟାଗଡରେ ଧୂମଧାମରେ ପାଳିତ

ନନ୍ଦିଘୋଷ ବ୍ୟୁରୋ: ଆଜି ବିଶ୍ବ ଛେନା ପୋଡ଼ ଦିବସ । ନୟାଗଡ ଜିଲ୍ଲାର ବିଭିନ୍ନ ସ୍ଥାନରେ ଛେନାପୋଡ଼ ଦିବସକୁ ବହୁ ଧୁମଧାମରେ ପାଳନ କରାଯାଉଛି । ଏହା ସହ ରାଜ୍ୟ ତଥା ରାଜ୍ୟ ବାହାରେ ମଧ୍ୟ ଛେନାପୋଡ ଦିବସ ପାଳନ କରାଯାଉଛି । ନୟାଗଡର ଛେନାପୋଡ଼ ବିଶ୍ୱରେ ତାର ସ୍ୱତନ୍ତ୍ର ପରିଚୟ ସୃଷ୍ଟି କରିଛି । ଏହି ଛେନାପୋଡ଼ର ସ୍ରଷ୍ଟା ହେଉଛନ୍ତି ଦଶପଲ୍ଲାର ବିଦ୍ୟାଧର ସାହୁ ଓ ତାଙ୍କ ସୁପୁତ୍ର ସୁଦର୍ଶନ ସାହୁ । ତାଙ୍କର ଉଦ୍ୟମ ପାଇଁ ନୟାଗଡ଼ର ଛେନା ପୋଡ଼ ଆଜି ବିଶ୍ଵରେ ପରିଚିତ ହୋଇ ପାରିଛି । ସୁଦର୍ଶନ ସାହୁଙ୍କ ମୃତ୍ୟୁ ପରେ ତାଙ୍କର ଜନ୍ମ ଦିନ ଏପ୍ରିଲ ୧୧ ତାରିଖକୁ ଛେନା ପୋଡ଼ ଦିବସ ଭାବେ ପ୍ରଥମେ ପାଳନ ଆରମ୍ଭ କରିଥିଲା ନୟାଗଡ଼ର ସ୍ଵେଚ୍ଛାନୟାସେବୀ ଅନୁଷ୍ଠାନ ହେଲିପିଙ୍ଗ ହାଣ୍ଡସ୍ ଫାଉଣ୍ଡେସନ । ଏଭଳି ଉଦ୍ୟମକୁ ନୟାଗଡ଼ ବିଧାୟକ ଅରୁଣ କୁମାର ସାହୁ ପ୍ରଶଂସା କରିଛନ୍ତି । ଏହାସହ ସମସ୍ତେ ଆଜି ଦିନରେ ଛେନା ପୋଡ଼ ଘରକୁ ଆଣି ଛେନା ପୋଡ଼ ଦିବସ ପାଳନ କରିବା ପାଇଁ ନିବେଦନ କରିଛନ୍ତି । ନୟାଗଡ଼ର ଛେନାପୋଡ଼କୁ ଜିଆଇ ଟ୍ୟାଗ୍ ମାନ୍ୟତା ପାଇଁ ସମସ୍ତେ ମିଳିମିଶି ଉଦ୍ୟମ କରିବା ଆବଶ୍ୟକ ରହିଛି ବୋଲି ନୟାଗଡ଼ ବିଧାୟକ ଅରୁଣ କୁମାର ସାହୁ କହିଛନ୍ତି ।