ଆପଣଙ୍କ ଆଧାର କାର୍ଡରେ କେତେ ଜଣ ନେଇଛନ୍ତି ସିମକାର୍ଡ, ଏମିତି କରନ୍ତୁ ଚେକ୍…

ନୂଆଦିଲ୍ଲୀ: ଦେଶରେ ବଢ଼ୁଛି ସିମ୍ ଅପବ୍ୟବହାର । ଏଥିଯୋଗୁ ସିମ୍ କାର୍ଡ ରହିଥିବା ବ୍ୟକ୍ତି ବହୁ ସମୟରେ ଅସୁବିଧାରେ ପଡ଼ୁଛନ୍ତି । ଏହି ସମସ୍ୟାର ସମାଧାନ ପାଇଁ ପଦକ୍ଷେପ ନେଇଛି ଦୂରସଞ୍ଚାର ମନ୍ତ୍ରଣାଳୟ (DoT) । ଏଥିପାଇଁ ଡଟ୍ ପକ୍ଷରୁ ଏକ ୱେବସାଇଟ୍ ଜାରି କରାଯାଇଛି ।

ଡଟ୍ ପକ୍ଷରୁ ଜାରି ୱେବସାଇଟ୍ https://tafcop.dgtelecom.gov.in/ କୁ ଯାଇ ଆପଣଙ୍କ ଆଧାର କାର୍ଡରେ କେତେଗୋଟି ସିମ୍ ଆକ୍ଟିଭ୍ ଅଛି ଜାଣି ପାରିବେ । ଏଥିସହ ଏହି ୱେବସାଇଟରେ ଆପଣ ବ୍ୟବହାର କରୁ ନଥିବା ସିମକୁ ବନ୍ଦ କରିବା ଲାଗି ନିବେଦନ କରିପାରିବେ ।

ସରକାରୀ ଗାଇଡଲାଇନ୍ ଅନୁସାରେ, ଏବେ ଗୋଟିଏ ବ୍ୟକ୍ତି ସର୍ବାଧିକ ୯ ଗୋଟି ସିମ୍ ସଂଯୋଗ ନେଇ ପାରିବେ । ତେଣୁ ଯଦି ଆପଣଙ୍କ ପାଖରେ ଅଧିକ ସିମ୍ ଅଛି କିମ୍ବା ଅନ୍ୟ କେହି ଆପଣଙ୍କ ନାଁରେ ସିମ୍ ବ୍ୟବହାର କରୁଛନ୍ତି । ତାହେଲେ ଆପଣ ଏହି ୱେବସାଇଟକୁ ଯାଇ ଉକ୍ତ ନମ୍ବରକୁ ଅଚଳ କରିପାରିବେ ।

ପ୍ରଥମେ ୱେବସାଇଟ୍ ଖୋଲିବା ପରେ ଆପଣଙ୍କ ଆଧାର ସହ ଲିଙ୍କ୍ ଥିବା ମୋବାଇଲ୍ ନମ୍ବର ଦିଅନ୍ତୁ । ଏହାପରେ ଆପଣଙ୍କ ମୋବାଇଲକୁ ଏକ ଓଟିପି ଆସିବ । ଓଟିପି ଦେବା ପରେ ଆପଣଙ୍କ ନାଁରେ ଥିବା ସିମ୍ ତାଲିକା ଦେଖାଯିବ । ସେଥିରୁ ଆପଣ ଦରକାର ନଥିବା ନମ୍ବରକୁ ବନ୍ଦ ପାଇଁ ନିବେଦନ କରିପାରିବେ ।