ଆସନ୍ତାକାଲି ଶ୍ରୀକ୍ଷେତ୍ରରେ ଭଉଁରୀ ଯାତ୍ରା, ରଥଖଳାରେ ସମ୍ପନ୍ନ ହେବ ଚକଅଖ ଡେରା ନୀତି

ପୁରୀ: ଘୋଷଯାତ୍ରା ପାଇଁ ରଥଖଳାରେ ଜୋରସୋରରେ ଚାଲିଛି ରଥ ନିର୍ମାଣ କାମ । ଶ୍ରୀକ୍ଷେତ୍ର ଭଉଁରୀ ଯାତ୍ରା ଅବସରରେ ବିଧି ଓ ପରମ୍ପରା ଅନୁଯାୟୀ ରଥ ଯାତ୍ରାର ଆଉ ଏକ ପର୍ଯ୍ୟାୟ ଆରମ୍ଭ ହେବ । ଶ୍ରୀମନ୍ଦିରରେ ଶ୍ରୀଜୀଉଙ୍କ ସକାଳ ଧୂପ ସରିବା ପରେ ରଥଖଳାକୁ ବିଜେ କରିବ ଆଜ୍ଞାମାଳ । ମହାରଣା ସେବାୟତଙ୍କ ଉପସ୍ଥିତିରେ ଭୋଇ ସେବକମାନେ ତିନି ରଥର ଦୁଇଟି ଲେଖାଏଁ ଚକରେ ଗୋଟିଏ ଲେଖାଏଁ ଅଖ ଡେରା ନିତୀ ସମ୍ପର୍ଣ୍ଣ କରିବେ ।

ଅକ୍ଷୟ ତୃତୀୟାଠାରୁ ଆରମ୍ଭ ହୋଇଥିବା ବାହାର ଚନ୍ଦନ ଯାତ୍ରାର ଶୁକ୍ରବାର ୨୦ ତମ ଦିବସ ହୋଇଥିବା ବେଳେ ଭଉଁରୀ ବିଧି ପାଳନ କରାଯିବ । ଏହି ଅବସରରେ ନରେନ୍ଦ୍ର ରାତ୍ର ଚାପରେ ମହାପ୍ରଭୁଙ୍କୁ ୨୧ ଘେରା ନୌକା ବିହାର କରିବାର ପରମ୍ପରା ରହିଛି । ପ୍ରଭୁଙ୍କ ନୌକାଗୁଡିକୁ ୭ ଘେରା ଲେଖା ବୁଲା ଯିବାର ବିଧି ରହିଛି । ସେପଟେ ରଥ ଖଳାର ଚକ ଅଖ ଡେରା ଯିବା ସ୍ଥାନ ସମତୁଲ ହୋଇନଥିବାରୁ ସମସ୍ୟା ଉପୁଜିପାରେ ବୋଲି ଆଶଂକା କରାଯାଉଛି । ତେଣୁ OBCC, ଟାଟା ପ୍ରୋଜେକ୍ଟର ଅଧିକାରୀଙ୍କ ସହ ମହାରଣା ଓ ଭୋଇ ସେବାୟତଙ୍କ ତତ୍ୱାବଧାନରେ ଯାଞ୍ଚ କରାଯାଇଛି । ଯାତ୍ରା ପୂର୍ବରୁ କାମ ସାରିବାକୁ ବ୍ୟବସ୍ଥା କରାଯାଉଛି ।