ମହାଦେବ ଆପ୍ ଅନଲାଇନ ବେଟିଂ ମାମଲା, ପ୍ରଥମ ପର୍ଯ୍ୟାୟ ଚାର୍ଜସିଟରେ ୧୪ ଅଭିଯୁକ୍ତ ସାମିଲ

ଭୁବନେଶ୍ବର: ମହାଦେବ ଆପ୍ ଅନଲାଇନ ବେଟିଂ ମାମଲା । ପ୍ରବର୍ତ୍ତନ ନିର୍ଦ୍ଦେଶାଳୟ ଦାଖଲ କରିଛି ପ୍ରଥମ ଚାର୍ଜସିଟ । ପ୍ରଥମ ପର୍ଯ୍ୟାୟରେ ଚାର୍ଜସିଟରେ ସାମିଲ ହୋଇଛନ୍ତି ୧୪ ଜଣ ଅଭିଯୁକ୍ତ । ବେଆଇନ ଅର୍ଥ ଚାଲାଣ ନିରାକରଣ ଆଇନର ଧାରା ୪୪ ଓ ୪୫ ଅନୁସାରେ ମାମଲା ରୁଜୁ ହୋଇଛି । ୧୯୭ ପୃଷ୍ଠା ସମ୍ବଳିତ ଚାର୍ଜସିଟରେ ରହିଛି ସୌରଭ ଚନ୍ଦ୍ରକାର, ରବି ଉପାଇ, ବିକାଶ ଛାପାରିଆ, ଶିବ କୁମାର ବର୍ମା ପ୍ରମୁଖଙ୍କ ନାମ ।

ପ୍ରମାଣ ସ୍ବରୂପ ପ୍ରସ୍ତୁତ ହୋଇଛି ୮ ହଜାର ୮୦୦ ପୃଷ୍ଠାର ଦଲିଲ । ଇଡି କହିଛି ମହାଦେବ ସ୍କାମରେ ପ୍ରାୟ ୬ ହଜାର କୋଟି ଟଙ୍କାର ଜାଲିଆତି ହୋଇଛି । ପ୍ରଥମ ପର୍ଯ୍ୟାୟରେ ୪୧ କୋଟି ଟଙ୍କାର ସମ୍ପତ୍ତି ଆଟାଚ ହୋଇଛି । ଏହି ବହୁଚର୍ଚ୍ଚିତ ମାମଲାର ଦୁଇ ମୁଖ୍ୟ ଅଭିଯୁକ୍ତ ହେଉଛନ୍ତି ସୌରଭ ଚନ୍ଦ୍ରକାର ଓ ରବି ଉପ୍ପଲ । ଏହି ଆପ୍ ଜରିଆରେ ବ୍ୟାପକ ବେନିୟମ କାର୍ଯ୍ୟକଳାପ ଚାଲିଥିଲା ବୋଲି ଇଡି ଅଭିଯୋଗ କରିଥିଲା । ଚନ୍ଦ୍ରଭୂଷଣ ରାୟ ନାମକ ଜଣେ ପୋଲିସ ବି ଏହି ବେଆଇନ କାର୍ଯ୍ୟକଳାପରେ ସାମିଲ ଥିଲେ । ଏହାସହ କେତେକ ବଲିଉଡ ଷ୍ଟାର, ଟିଭି ତାରକା, ଇନଫ୍ଲୁଏନସର ପ୍ରମୁଖ ସାମିଲ ଥିବା ନେଇ ହୋଇଥିଲା ଅଭିଯୋଗ ।