ଚାକିରି ଛାଡ଼ିଲେ ଚପଲ ତିଆରି କଲେ, ନିଜେ ସ୍ୱାବଲମ୍ୱୀ ହେବା ସହ ଅନ୍ୟକୁ ରୋଜଗାରକ୍ଷମ କଲେ

ଜଳେଶ୍ୱର: ଚାକିରି ଛାଡ଼ି ବନିଲେ ସଫଳ ଉଦ୍ୟୋଗୀ । ଇଞ୍ଜିନିୟର ଚାକିରିକୁ ପଛରେ ପକାଇ ଜୋତା କାରଖାନା କରି ଏବେ ଚର୍ଚ୍ଚାରେ ବସ୍ତା ବ୍ଲକ କୋଠପଦା ଗାଁର ପାର୍ଥ ସାରଥୀ ସାହୁ । ନିଜସ୍ୱ ଉଦ୍ୟମରେ କାରଖାନା ପ୍ରତିଷ୍ଠା କରି ସ୍ୱାବଲମ୍ୱୀ ହେବା ସହିତ ଗାଁର ବେକାରୀଙ୍କୁ ଦେଇଛନ୍ତି ରୋଜଗାର । ଆଗାମୀ ଦିନରେ କାରାଖାନାର ପରିସର ବଢାଇ ଅଧିକଙ୍କୁ ନିଯୁକ୍ତି ଦେବାକୁ ଲକ୍ଷ୍ୟ ରଖିଛନ୍ତି ପାର୍ଥ ।

ଇଞ୍ଜିନିୟରଙ୍କ ଆତ୍ମନିର୍ଭର ବାର୍ତ୍ତା । କାହା ଅଧିନରେ ନୁହେଁ, ସ୍ୱାବଲମ୍ୱୀ ହେବାକୁ ଗୁରୁତ୍ୱ । ଜୋତା କାରଖାନା କରି ଚର୍ଚ୍ଚାରେ ବାଲେଶ୍ୱର ବସ୍ତା ବ୍ଲକ କୋଠପଦା ଗାଁର ପାର୍ଥ ସାରଥି ସାହୁ । ଇଂଜିନିୟର ଚାକିରି ଛାଡ଼ି ସେ ଗାଁରେ କରିଛନ୍ତି ଜୋତା କାରାଖାନା । ଏଇଠୁ ନିଜେ ରୋଜଗାରକ୍ଷମ ହେବା ସହିତ ୧୫ଜଣଙ୍କୁ ଚାକିରି ଦେଇଛନ୍ତି । କାରଖାନାରେ ଏବେ କେବଳ ହାଇଓ୍ୱା ଚପଲ ତିଆରି କରାଯାଉଥିବାବେଳେ ଆଗକୁ ସବୁ ପ୍ରକାରର ଯୋତା ପ୍ରସ୍ତୁତ କରିବାକୁ ସେ ଲକ୍ଷ୍ୟ ରଖିଛନ୍ତି ।

ଇଞ୍ଜିନିୟରିଂ ପାସ କରି ପାର୍ଥ ଏକ ଘରୋଇ କମ୍ପାନୀରେ ଚାକିରି କରିଥିଲେ । ପରେ ସଞ୍ଚିତ ପୁଞ୍ଜିରେ ଗାଁରେ କାରାଖାନା ପ୍ରତିଷ୍ଠା କରିଛନ୍ତି । ଦିଲ୍ଲୀ, ଆଗ୍ରା,କୋଲକାତାରୁ କଞ୍ଚାମାଲ ଆଣି ଚପଲ୍ ପ୍ରସ୍ତୁତ କରାଯାଉଛି । ଡିଷ୍ଟ୍ରିବ୍ୟୁଟରଙ୍କ ମାଧ୍ୟମରେ ଏହାକୁ ରାଜ୍ୟର ବିଭିନ୍ନ ଜିଲ୍ଲାରେ ବିକ୍ରି କରୁଛନ୍ତି । ଶ୍ରମିକଙ୍କୁ ପାରିଶ୍ରମିକ ଦେବା ପରେ ଏବେ ମାସକୁ ୪୫ରୁ ହଜାର ଟଙ୍କା ଲାଭ କରୁଛନ୍ତି ପାର୍ଥସାରଥୀ । ସରକାରଙ୍କ ତରଫରୁ କିଛି ସାହାଯ୍ୟ ମିଳିଲେ ବ୍ୟବସାୟକୁ ଆଗକୁ ବଢାଇବାକୁ ସେ ଆଶା ରଖିଛନ୍ତି ।