’ଚନ୍ଦ୍ରଯାନ-୩’କୁ ନେଇ ISRO ଚିଫ୍ କହିଲେ କଣ ରହିଛି ଆଗାମୀ ପଦକ୍ଷେପ

ନନ୍ଦିଘୋଷ ବ୍ୟୁରୋ: ସଫଳ ପଥରେ ’ଚନ୍ଦ୍ରଯାନ-୩’ । ସମଗ୍ର ବିଶ୍ବର ନଜର ରହିଥିବାବେଳେ ଚନ୍ଦ୍ରର ଆହୁରି ନିକଟତର ହେଉଛି ’ଚନ୍ଦ୍ରଯାନ-୩’ । ଚନ୍ଦ୍ରଯାନ ସହ ଲାଣ୍ଡର ବିକ୍ରମ ଚନ୍ଦ୍ର ଆଡ଼କୁ ଗତି କରୁଛନ୍ତି । ଚନ୍ଦ୍ରର ଆହୁରି ନିକଟତର ହେଉଥିବାବେଳେ ISROର ମୁଖ୍ୟ କହିଛନ୍ତି କି, ସେମାନେ ଏବେ ଲ୍ୟାଣ୍ଡର ବେଗ ହ୍ରାସ କରିଛନ୍ତି । ଚନ୍ଦ୍ରର କକ୍ଷପଥ ଆଡ଼କୁ ଗତି କରୁଛି । ଏପର୍ଯ୍ୟନ୍ତ ସବୁକିଛି ସ୍ବାଭାବିକ ଏବଂ ସ୍ଥିର ରହିଛି । କିନ୍ତୁ ଆଗାମୀ କିଛି ଘଣ୍ଟା ଅତ୍ୟନ୍ତ ଗୁରୁତ୍ବପୂର୍ଣ୍ଣ ହେବାକୁ ଯାଉଛି । ଲ୍ୟାଣ୍ଡର ବିକ୍ରମ ଏବଂ ରୋଭରକୁ ନେଇ ଗଠିତ ଲ୍ୟାଣ୍ଡର ମଡ୍ୟୁଏ ଅଗଷ୍ଟ ୨୦ରେ ଦ୍ବିତୀୟ ଡିବୋଷ୍ଟିଂ କରିବ । ଯାହାଦ୍ବାରା କକ୍ଷପଥକୁ ଓହ୍ଲାଇ ଚନ୍ଦ୍ରପୃଷ୍ଠକୁ ଅତି ନିକଟତର ହେବ ।

ISRO ପକ୍ଷରୁ ଏନେଇ ଏକ ଟ୍ବିଟ୍ କରି ସୂଚନା ଦିଆଯାଇଛି । ଲ୍ୟାଣ୍ଡର ମଡ୍ୟୁଲ ସଫଳତା ସହିତ ଏ ଡିବୋଷ୍ଟିଂ ପ୍ରକ୍ରିୟା ସମାପ୍ତ କରିଛି । ଯାହା ବର୍ତ୍ତମାନ ଏହାର କକ୍ଷପଥକୁ ୧୧୩ କିଲୋମିଟରରୁ ୧୫୭ କିମିକୁ ହ୍ରାସ କରାଯାଇଛି । ଦ୍ବିତୀୟ ଡିବୋଷ୍ଟିଂ ପ୍ରକ୍ରିୟା ଆସନ୍ତାକାଲି ଅପରାହ୍ନ ୨ଟାରେ କରାଯିବ । ତେବେ ଅଗଷ୍ଟ ୨୩ ତାରିଖରେ ଲ୍ୟାଣ୍ଡର ବିକ୍ରମ ଚନ୍ଦ୍ରର ଦକ୍ଷିଣ ପୂର୍ବରେ ଲ୍ୟାଣ୍ଡିଂ କରିବ । ଏହି ଏହି ମିଶନ ସଫଳ ହୁଏ ତାହେଲେ ଭାରତ ଚତୁର୍ଥ ଦେଶ ହେବ ।