ସରିଲା ଚନ୍ଦ୍ରାୟାନ-୩ ମିଶନ, ନିଷ୍କ୍ରିୟ ହେଲା ରୋଭର ପ୍ରଜ୍ଞାନ

ବେଙ୍ଗାଲୁରୁ: ସରିଲା ଚନ୍ଦ୍ରାୟନ-୩ ମିଶନ । ଚନ୍ଦ୍ରରେ ଶାନ୍ତିରେ ଶୋଇଲା ପ୍ରଜ୍ଞାନ । ୧୪ ଦିନର ମିଶନ ସାରି ନିଷ୍କ୍ରିୟ ହେଲା ରୋଭର ପ୍ରଜ୍ଞାନ । ଲ୍ୟାଣ୍ଡର ବିକ୍ରମରେ ସୁରକ୍ଷିତ ପାର୍କିଂ ହୋଇଛି ପ୍ରଜ୍ଞାନ । ପ୍ରଜ୍ଞାନ ନିଷ୍କ୍ରିୟ ହେବା ପୂର୍ବରୁ ସମସତ ତଥ୍ୟ କରି ନେଇଛି ଇସ୍ରୋ । ସେପ୍ଟେମ୍ବର ୨୨ରେ ପୁଣି ସୂର୍ଯ୍ୟକିରଣ ପଡ଼ିଲେ ପ୍ରଜ୍ଞାନ ସକ୍ରିୟ ହେବା ଆଶା ରଖିଛି ଇସ୍ରୋ ।

୧୪ ଦିନ ପରେ ଯଦି ସଫଳତାର ସହ ପ୍ରଜ୍ଞାନ ପୁଣି ସକ୍ରିୟ ହେଲା, ତେବେ ଏହା ଇସ୍ରୋ ଭାଇଁ ଆଉ ଏକ ବଡ଼ ଉପଲବ୍ଧି ହେବ । ଏହାପରେ ଆହୁରି ଗୁରୁତ୍ବପୂର୍ଣ୍ଣ ଦାୟିତ୍ବ ନିର୍ବାହ କରିବ ପ୍ରଜ୍ଞାନ ।

ଇସ୍ରୋ ପକ୍ଷରୁ କୁହାଯାଇଛି, ସୋଲାର ସିଷ୍ଟମ ଏବେ ସ୍ଲିପ ମୋଡରେ ରହିଛି  । ସବୁଦିନ ପାଇଁ ଚନ୍ଦ୍ରରେ ଭାରତର ଦୂତ ହୋଇ ରହିବ ପ୍ରଜ୍ଞାନ । ରୋଭର ପ୍ରଜ୍ଞାନ ଚନ୍ଦ୍ରପୃଷ୍ଠରେ ସଫଳତା ପୂର୍ବକ ନିର୍ଦ୍ଧାରିତ ୧୦୦ ମିଟର ଦୂରତା ଅତିକ୍ରମ କରିଛି ।

୧୪ ଜୁଲାଇ ୨୦୨୩ରେ ସତୀଶ ଧୱନ ସ୍ପେଶ ସେଣ୍ଟରରୁ ଲଞ୍ଚ କରାଯାଇଥିବା ଚନ୍ଦ୍ରାୟାନ-୩ ଭାରତକୁ ଚନ୍ଦ୍ରପୃଷ୍ଠରେ ସଫଳତା ପୂର୍ବକ ଅବତରଣ କରିବାରେ ଚତୁର୍ଥ ଦେଶ ଓ ଚନ୍ଦ୍ରର ସାଉଥ ପୋଲରେ ପାଖରେ ଅବତରଣ କରିବାରେ ପ୍ରଥମ ଦେଶ ଭାବେ ରେକର୍ଡ କରିଥିଲା । ମିଶନର ପ୍ରାଥମିକ ଉଦ୍ଦେଶ୍ୟ ପାଣିର ଅନ୍ନେଶ୍ୱଣ କରିବା ଓ ଚନ୍ଦ୍ରପୃଷ୍ଠର ବିଶେଷତ୍ୱକୁ ଅଧ୍ୟୟନ କରିବା ଥିଲା । ଏହା ପୂର୍ବରୁ ଇସ୍ରୋ କହିଥିଲା, ଚନ୍ଦ୍ରାୟାନ-୩ ମିଶନର ରୋଭର ପ୍ରଜ୍ଞାନରେ ଲାଗିଥିବା ଅନ୍ୟ ଏକ ଉପକରଣ ମଧ୍ୟ ଭିନ୍ନ ଏକ ଜ୍ଞାନକୌଶଳର ଉପଯୋଗ କରି ଚନ୍ଦ୍ରରେ ସଲଫରର ଉପସ୍ଥିତି ନେଇ ଅନୁସନ୍ଧାନ କରିଥିଲା । ଏଥିସହିତ ଅନ୍ୟ କିଛି ଏଲିମେଣ୍ଟ ଥିବା ନେଇ ମଧ୍ୟ ଲ୍ୟାଣ୍ଡର ସନ୍ଧାନ ପାଇଥିଲା ।