ଏହି ଲୋକସଭା ଆସନ ଯେଉଁ ଦଳ ଜିତେ,କେନ୍ଦ୍ରରେ ଆସେ ତା’ ସରକାର

ନନ୍ଦିଘୋଷ ବ୍ୟୁରୋ: ଦେଶର ଏମିତି ଏକ ଲୋକସଭା ଆସନ ରହିଛି ଯେଉଁଠାରେ ବିଜୟୀ ଦଳ କେନ୍ଦ୍ରରେ ସରକାର ଗଢ଼ିଛି । ତେବେ ଏହି ଆସନ ହେଉଛି ଚାନ୍ଦିନୀ ଚୌକ୍ । ଏଠାରେ ୧୬ଥର ନିର୍ବାଚନ ହୋଇଥିବାବେଳେ ଏହି ଆସନରେ ଜିତିଥିବା ଦଳ ୧୪ଥର ସରକାର ଗଠନ କରିଛି । ମାତ୍ର ୨ଥର ଏହି ଆସନରେ ଜିତିଥିବା ଦଳ କେନ୍ଦ୍ରରେ ସରକାର ଗଠନ କରିନାହିଁ । ଯଦିଓ ଏହି ଲୋକସଭା କ୍ଷେତ୍ରଟି ଦେଶରେ ସବୁଠାରୁ ଛୋଟ କ୍ଷେତ୍ର ମାତ୍ର ଏହା ଦେଶର ସରକାର ଗଠନ କରୁଥିବା ପାର୍ଟିସହ ସବୁବେଳେ ରହିଛି । ଏହି ଆସନରୁ କଂଗ୍ରେସ ୯ଥର ଏବଂ ବିଜେପି ୬ଥର ବିଜୟୀ ହୋଇଛି । ଗୋଟିଏଥର ଏହି ଆସନରେ ଜନତା ଦଳ ବିଜୟୀ ହୋଇଥିଲା । ଏବେ ଏହି ଆସନରୁ ହର୍ଷବର୍ଦ୍ଧନ ସାଂସଦ ଅଛନ୍ତି । ୧୯୫୬ ମସିହାରେ ପ୍ରଥମେ ଏହି ଆସନରେ ନିର୍ବାଚନ ଅନୁଷ୍ଠିତ ହୋଇଥିଲା । ଯେଉଁଥିରେ କଂଗ୍ରେସର ରାଧା ରମଣ ବିଜୟୀ ହୋଇଥିଲେ ।