ପୁଷ୍ପଲତାଙ୍କ ସ୍କୁଟି କଳିଙ୍ଗାରୁ ଜବତ, ହତ୍ୟା ପରେ ଲୁଚାଇ ଦେଇଥିଲା ଅଭିଯୁକ୍ତ

ଭୁବନେଶ୍ୱର: ଅନ୍ଧାରୁଆରୁ କଟାମୁଣ୍ଡ ମିଳିବା ଘଟଣା । ପୁଷ୍ପଲତା ରାଉଳଙ୍କ ସ୍କୁଟି ଜବତ କଲା ଚନ୍ଦକା ଥାନା ପୋଲିସ । କନ୍ଧମାଳ ଜିଲ୍ଲା ଜି.ଉଦୟଗିରି ଥାନା କଳିଙ୍ଗାରୁ ସ୍କୁଟି ଜବତ କରାଯାଇଛି । ପୁଷ୍ପଲତାଙ୍କୁ ହତ୍ୟାପରେ ସ୍କୁଟିକୁ ଅଭିଯୁକ୍ତ ସଞ୍ଜୟ ଲୁଚାଇ ଦେଇଥିଲା । ନିଜର ସ୍କୁଟି କହି କଳିଙ୍ଗାର ଜଣଙ୍କୁ ଦେଇଥିଲା ଅଭିଯୁକ୍ତ ସଞ୍ଜୟ ।

ଗିରଫ ପରେ ପୋଲିସ ୩ ଦିନିଆ ରିମାଣ୍ଡରେ ଅଭିଯୁକ୍ତ ସଞ୍ଜୟ ଓ ଶ୍ରୀକାନ୍ତଙ୍କୁ ନେଇ ପଚରାଉଚରା କରୁଛି । ଆଜି ରିମାଣ୍ଡରେ ଶେଷ ଦିନରେ ଜେରା ଚାଲିଥିବା ବେଳେ ପୁଷ୍ପଲତାଙ୍କ ସ୍କୁଟି ମିଳିଛି । ପୋଲିସ ଉଭୟଙ୍କୁ ଘଟଣାସ୍ଥଳକୁ ନେଇ କ୍ରାଇମ୍ ସିନ୍ ରି-କ୍ରିଏସନ୍ କରିଛି । ବିବାହ ବିବାଦରୁ ସଞ୍ଜୟ ପୁଷ୍ପଲତାଙ୍କୁ ହତ୍ୟା କରିଥିଲା । ତଣ୍ଟି ଚିପି ହତ୍ୟା କରିବା ପରେ ପ୍ରମାଣ ନଷ୍ଟ କରିବା ପାଇଁ ମୁଣ୍ଡଠୁ ଶରୀରକୁ ଅଲଗା କରିବା ପରେ ରାସ୍ତାକଡ଼ରେ ଫିଙ୍ଗି ଦେଇଥିଲା ।