ଖୋଲିବ ଚନ୍ଦକା-ଡମପଡ଼ା ହାତୀ ଅଭୟାରଣ୍ୟ ଓ ଡେରାସ ଡ୍ୟାମ୍
ଭୁବନେଶ୍ୱର: ଗାନ୍ଧୀ ଜୟନ୍ତୀ ଅବସରରେ ଖୋଲିବ ଚନ୍ଦକା ଡମପଡ଼ା ହାତୀ ଅଭୟାରଣ୍ୟ ଓ ଡେରାସ୍ ଡ୍ୟାମ୍ । ମାର୍ଚ୍ଚ ୨୭ ତାରିଖରୁ କରୋନା ମହାମାରୀ ଯୋଗୁଁ ପର୍ଯ୍ୟଟକମାନଙ୍କ ପାଇଁ ବନ୍ଦ କରାଯାଇଥିଲା । ୭ ମାସ ପରେ ଚନ୍ଦକା ଖୋଲିଥିବା ବେଳେ, କୋଭିଡ୍ କଟକଣା କଡ଼ାକଡ଼ି କରାଯାଇଛି । ତେବେ ମାସ୍କ ଓ ସାମାଜିକ ଦୂରତା ବାଧ୍ୟତାମୂଳକ କରାଯାଇଛି ।
ଥଣ୍ଡା କିମ୍ବା ଜ୍ୱର ଥିଲେ ପ୍ରବେଶ ନିଷେଧ କରାଯାଇଛି । ପର୍ଯ୍ୟଟକ ମାନେ ନେଚର କ୍ୟାମ୍ପ, ଅଭୟାରଣ୍ୟର ଜଙ୍ଗଲ ସଫାରି, ଡେରାସ୍ ଡ୍ୟାମ୍ ବୁଲିପାରିବେ । କଟେଜ୍ରେ ମଧ୍ୟ ରାତ୍ରିରହଣୀ ପାଇଁ ଅନଲାଇନ୍ରେ ବୁକିଂ କରିପାରିବେ ପର୍ଯ୍ୟଟକ । କଟେଜ, ନେଚର କ୍ୟାମ୍ପ, ପର୍ଯ୍ୟଟକଙ୍କ ଚଲାପଥ, ବସିବାସ୍ଥାନ ଆଦିକୁ ସାନିଟାଇଜ କରାଯିବାର ବ୍ୟବସ୍ଥା କରାଯାଇଛି ।
