ଅଭିଜ୍ଞ ଚିତ୍ରକର ପରି ଚିତ୍ର ଆଙ୍କୁଛି କୁନି ପୁଅ

ଚାନ୍ଦବାଲି: ନା ଅଛି ହାତରେ ତୁଳୀ ନା ଅଛି ରଙ୍ଗ । ବିଦ୍ୟାଳୟର କଳାପଟା ଆଉ ଚକ ସାହାଯ୍ୟରେ କୁନି ହାତ  ଆଙ୍କି ଚାଲିଛି  ଭଳିକି ଭଳି ଚିତ୍ର । ଜଣେ ଅଭିଜ୍ଞ ଚିତ୍ରକର ପରି ଆଙ୍କୁଛି ଚିତ୍ର । ବିନା ପ୍ରଶିକ୍ଷଣ , ବିନା ପ୍ରେରଣାରେ  ନୂତନ ପରିଚୟ ସୃଷ୍ଟି କରିବା ପାଇଁ କୁନି ହାତ କରୁଛି ସଂଘର୍ଷ । କୁନି କୁନି ହାତରେ ପ୍ରତିଭାବାନ ଚିତ୍ରକର ଭଳି ଚିତ୍ର କଳା । ମାତ୍ର ପାଞ୍ଚ ମିନିଟରେ ବ୍ଲାକ ବୋଡରେ ଆଙ୍କି ଦେଉଛନ୍ତି ବିଭିନ୍ନ ଦେବଦେବୀଙ୍କ ଚିତ୍ର । ଆବଶ୍ୟକ ପଡୁନି କୈଣସି ତୁଳି କି ରଙ୍ଗ । ଚକ ସାହାର୍ଯ୍ୟାରେ ଚିତ୍ର ଆଙ୍କି ଏବେ ଚର୍ଚ୍ଚାରେ ୭ ବର୍ଷର ଶିଶୁ ମନୋଜ ମାଝୀ ।

ଚାନ୍ଦବାଲି ବ୍ଲକ ଅନ୍ତର୍ଗତ ଶୁଭାଦିଆର, ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଦ୍ବିତୀୟ ଶ୍ରେଣୀର ଛାତ୍ର ମନୋଜ। ପାଠ ପଢା ବ୍ୟତୀତ ଚିତ୍ର ଆଙ୍କିବାରେ ସେ ମାହିର । ବିଦ୍ୟାଳୟରେ ଟିକିଏ ସମୟ ପାଇଲେ କିମ୍ବା  ଶ୍ରେଣୀରେ ସାର ନ ଥିବା ସମୟରେ ହାତରେ ଚକ ଧରି ବ୍ଲାକ ବୋର୍ଡରେ ଚିତ୍ର ଆଙ୍କି ସମସ୍ତଙ୍କୁ ଚକିତ କରନ୍ତି । ଏଥିପାଇଁ ସେ କୌଣସି ପ୍ରଶିକ୍ଷଣ ନେଇ ନାହାଁନ୍ତି । ସବୁଠାରୁ ବଡ କଥା ହେଲା ମନୋଜ ଚିତ୍ର ଆଙ୍କିବା ବେଳେ କେବେ ଲିଭାନ୍ତି  ନାହିଁ କି ଓଭର ରାଇଟିଂ କରନ୍ତି ନାହିଁ । ତାର ଏହିଭଳି  ପ୍ରତିଭାର ପରିଚୟ ପାଇବା ପରେ ଶିକ୍ଷକ ଶିକ୍ଷୟିତ୍ରୀ ମାନେ ତାକୁ ଉତ୍ସାହିତ କରୁଛନ୍ତି ।

ପ୍ରତିଭାର ବିକାଶ ପାଇଁ ସରକାରୀ ସ୍ତରରେ ବିଭିନ୍ନ କାର୍ଯ୍ୟକ୍ରମ ଚାଲୁଥିଲେ ବି ସୁବିଧା ସୁଯୋଗ ଅଭାବରୁ ଭାଗ ନେଇ ପାରୁନାହାନ୍ତି ମନୋଜ । ଆଗକୁ ସୁଯୋଗ ମିଳିଲେ ପ୍ରତିଯୋଗିତାରେ ଭାଗ ନେବି ବୋଲି କୁହିଛନ୍ତି ସେ । ପ୍ରଶିକ୍ଷଣ ନେଲେ ମନୋଜ ଆହୁରି ଭଲ ଚିତ୍ର ଆଙ୍କିବା ସହ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିବ ବୋଲି  କୁହନ୍ତି ବିଦ୍ୟାଳୟର ପ୍ରଧାନଶିକ୍ଷକ ।