ଚାଣକ୍ୟ ନୀତି: ଏହି ସବୁ କଥା ଉପରେ ଦିଅନ୍ତୁ ଧ୍ୟାନ, କେବେ ରହିବନି ଅର୍ଥର ଅଭାବ
ଚାଣକ୍ୟ ନୀତି: ଜଣେ ଦକ୍ଷ ଅର୍ଥନୀତିଜ୍ଞ ଭାବରେ ବିବେଚନା କରାଯାଉଥିବା ଆଚାର୍ଯ୍ୟ ଚାଣକ୍ୟ ଧନ ସମ୍ବନ୍ଧରେ ଅନେକ ନୀତି ଉଲ୍ଲେଖ କରିଛନ୍ତି । ଚାଣକ୍ୟଙ୍କ ମତରେ ଅର୍ଥ ଉପାର୍ଜନ କରିବା ଯେତିକି କଠିନ ତା’ଠାରୁ ଅଧିକ କଠିନ ଏହାକୁ ସଠିକ ରୂପରେ ଖର୍ଚ୍ଚ କରିବା । ଅର୍ଥକୁ ସର୍ବଦା ଭାବିଚିନ୍ତି ସଠିକ ଦିଗରେ ଖର୍ଚ୍ଚ କଲେ ଧନହାନୀର ସମ୍ଭାବନା ହ୍ରାସ ପାଇଥାଏ । ଅର୍ଥ ଉପାର୍ଜନ ସହିତ ସଞ୍ଚୟ ଉପରେ ମଧ୍ୟ ବ୍ୟକ୍ତିକୁ ବିଶେଷ ଧ୍ୟାନ ଦେବା ଉଚିତ ।
- ଚାଣକ୍ୟଙ୍କ ମତରେ ବିପଦ ସମୟରେ ଟଙ୍କା ହିଁ ମନୁଷ୍ୟର ପରମ ମିତ୍ର ଅଟେ । ବ୍ୟକ୍ତିକୁ ଟଙ୍କା ଉପାର୍ଜନ କରିବା ସହ ତାକୁ ସଠିକ ରୂପରେ ବ୍ୟବହାର କରିବାର କୌଶଳ ମଧ୍ୟ ଜଣାଥିବା ଦରକାର । ଯେଉଁ ବ୍ୟକ୍ତି ଭାବିଚିନ୍ତି ଟଙ୍କା ଖର୍ଚ୍ଚ କରିଥାଏ ତା ପାଖରେ କେବେବି ଅର୍ଥର ଅଭାବ ଦେଖାଦିଏ ନାହିଁ ।
- ଆଚାର୍ଯ୍ୟ ଚାଣକ୍ୟ କୁହନ୍ତି ଯେ, ଟଙ୍କା ବ୍ୟକ୍ତିର ଆତ୍ମବିଶ୍ୱାର ବୃଦ୍ଧି କରିଥାଏ । ଧନକୁ ଆବଶ୍ୟକତା ରୂପେ ଖର୍ଚ୍ଚ କରିବା ଉଚିତ । ଏହା ସହିତ ଭବିଷ୍ୟତ ପାଇଁ ସର୍ବଦା ଟଙ୍କା ସଞ୍ଚୟ କରିବା ଉଚିତ । ଛୋଟ ଛୋଟ ବିନିଯୋଗ କରି ମଧ୍ୟ ଟଙ୍କାକୁ ସୁରକ୍ଷିତ ରଖାଯାଇପାରିବ ।
- ମନ୍ଦିରରେ ଟଙ୍କା ଦେବାଦ୍ୱାରା ଇଶ୍ୱରୀୟ କୃପା ବର୍ଷିଥାଏ ଏବଂ ଟଙ୍କା ଦେଉଥିବା ବ୍ୟକ୍ତିର ଆର୍ଥିକ ସ୍ଥିତି ସୁଦୃଢ଼ ରହିଥାଏ । ଏହା ସହିତ ସମୟ ସମୟରେ ମନ୍ଦିରରେ ଟଙ୍କା ଦାନ କରିବା ଦ୍ୱାରା ବ୍ୟକ୍ତିର ଘରେ କେବେ ଦରିଦ୍ରତା ଦେଖାଦିଏନାହିଁ ବୋଲି ଚାଣକ୍ୟ କହିଛନ୍ତି ।
- ଚାଣକ୍ୟଙ୍କ ମତରେ ବ୍ୟକ୍ତିକୁ ସ୍ୱାର୍ଥୀ ଏବଂ ଲୋଭୀ ସ୍ୱଭାବୀ ହେବା ଉଚିତ ନୁହେଁ । ଧନର ଦେବୀ ଲକ୍ଷ୍ମୀ ସ୍ୱାର୍ଥୀ ଏବଂ ଲୋଭୀ ଲୋକଙ୍କ ଠାରୁ ଦୂରେଇ ରୁହନ୍ତି । ସେଥିପାଇଁ ଟଙ୍କା ପଇସା ମାମଲାରେ କେବେ ଲୋଭ ବା ସ୍ୱାର୍ଥ ମନୋଭାବ ରଖିବା ଉଚିତ ନୁହେଁ ।
- ଯେଉଁ ବ୍ୟକ୍ତି ଗରୀବ ଏବଂ ଅସହାୟ ଲୋକଙ୍କ ସହାୟତା କରେ, ଦିନକୁ ଦିନ ତାଙ୍କ ଟଙ୍କା ଦ୍ୱିଗୁଣିତ ହେବାରେ ଲାଗିଥାଏ । ଗରିବଙ୍କୁ ଆର୍ଥିକ ସହାୟତା କଲେ ମାଆ ଲକ୍ଷ୍ମୀ ପ୍ରସନ୍ନ ହୋଇଥାନ୍ତି ବୋଲି ଚାଣକ୍ୟ କହିଛନ୍ତି ।
- ଯେଉଁ ବ୍ୟକ୍ତି ଆୟ ମୁତାବକ ଅଧିକ ଖର୍ଚ୍ଚ କରିଥାନ୍ତି, ସେମାନେ ଆର୍ଥିକ ଚିନ୍ତାକୁ ସାମ୍ନା କରିଥାନ୍ତି । ସେଥିପାଇଁ ଅର୍ଥ ଉପାର୍ଜନ ସହିତ ସଞ୍ଚୟ କରିବା ମଧ୍ୟ ନିହାତି ଆବଶ୍ୟକ ।
- ଚାଣକ୍ୟଙ୍କ ମତରେ ସୁରକ୍ଷା, ଦାନ ଏବଂ ବାଣିଜ୍ୟରେ ଟଙ୍କା ନିବେଶ କରିବା ଦ୍ୱାରା କେବେ ଆର୍ଥାଭାବ ସ୍ଥିତି ଉପୁଜିନଥାଏ ବରଂ ଟଙ୍କା ବୃଦ୍ଧି ପାଇଥାଏ ।
- ଚାଣକ୍ୟଙ୍କ ମତରେ ବ୍ୟକ୍ତିକୁ ସର୍ବଦା ସଚ୍ଚୋଟ ଏବଂ ପରିଶ୍ରମର ସହ ଟଙ୍କା ଉପାର୍ଜନ କରିବା ଉଚିତ । ଖରାପ କାମ କରି ଉପାର୍ଜିତ ଧନ ଏବଂ ଅଦରକାରୀ ଖର୍ଚ୍ଚ କରିବା ଦ୍ୱାରା ଟଙ୍କା ସଞ୍ଚୟ ହୋଇପାରେ ନାହିଁ ।
