ସାହିକୁ ନାହିଁ ପକ୍କା ରାସ୍ତା । ବଣଜଙ୍ଗଲ ଘେରା ପରିବେଶ ଦେଇ ଯାଆସ କରୁଛନ୍ତି ଲୋକେ । କେନ୍ଦୁଝର ଜିଲ୍ଲା ଝୁମ୍ପୁରା ବ୍ଲକ ବାରିଆ ଚିଲିଆ ସାହିକୁ ନାହିଁ ରାସ୍ତା । ସାହିରେ ୩୦ ରୁ ଅଧିକ ପରିବାର ବସବାସ କରୁଛନ୍ତି । ହେଲେ ସାହିକୁ ରାସ୍ତା ଖଣ୍ଡିଏ ନାହିଁ । ବାରିଆ ଠାରୁ ୨ କିଲୋମିଟର ଦୂରରେ ଥିବା ଚିଲିଆ ସାହିକୁ ଯିବାକୁ ହେଲେ ଜଙ୍ଗଲିଆ ପାଦ ଚଲା ରାସ୍ତାରେ ଯିବାକୁ ପଡ଼େ । ଖରାଦିନେ ଯେଣତେଣ ପ୍ରକାରେ ଲୋକେ ଯାଆସ ତ କରିଦିଅନ୍ତି । ବର୍ଷା ଦିନେ ଯାତାୟତ କରିବା ମୁସ୍କିଲ ହୋଇଯାଏ । ଛାତ୍ରଛାତ୍ରୀଙ୍କ ପାଠପଢା ଏକ ପ୍ରକାର ଠପ ହୋଇପଡ଼େ । ଆମ୍ବୁଲାନ୍ସ ଯାଇ ପାରେ ନାହିଁ । ସମସ୍ୟା ସଂପର୍କରେ ଗ୍ରାମବାସୀ ଅନେକ ଥର ପ୍ରଶାସନର ଦୃଷ୍ଟି ଆକର୍ଷଣ କଲେଣି ହେଲେ ଫଳ ଶୂନ । ଅନ୍ୟପଟେ ଜଙ୍ଗଲ ପାଇଁ ରାସ୍ତା ନିର୍ମାଣ ହୋଇପାରିନାହିଁ । ଏନେଇ ବ୍ଲକ ପ୍ରଶାସନ ସହ ଯୋଗାଯୋଗ କରି ପଦକ୍ଷେପ ନିଆଯିବ ବୋଲି କହିଛନ୍ତି ସରପଞ୍ଚ ।
