ଚମ୍ପୁଆ : ଯେଉଁଆଡେ ଦେଖିବେ ସବୁଜ ବନାନୀ । କ୍ଷେତରେ ଲାଗିଛି କଖାରୁ ଗଛ । ତା ଭିତରେ ଫଳିଛି ବଡବଡ କଖାରୁ । ଆଉ ଏଭଳି ଚାଷ କରିଛନ୍ତି ଚମ୍ପୁଆ ବ୍ଲକ ରଙ୍ଗାମାଟିଆ ପଞ୍ଚାୟତ ରରୁଆଁଗେlଡା ଗାଁର ଯୁବ ଚାଷୀ ଲିକୁ ନାଏକ । ଦିନ ଥିଲା ଲିକୁ ଅନ୍ୟର ବଗିଚାରେ ମୂଲ ଲାଗୁଥିଲେ । ଏବେ ସେ ନିଜର ପନ୍ଦର ଏକର ଜମିରେ ବଇତାଳୁ ଚାଷ କରିଛନ୍ତି । ସାଢେ ଛଅ ଲକ୍ଷ ଟଙ୍କା ବିନିଯୋଗ କରି ଲିକୁ ଚାଷ କାମ ଆରମ୍ଭ କରିଥିବା ବେଳେ ତାଙ୍କୁ ଗାଁର ୩୦ ଜଣ ପିଲା ସାହାର୍ଯ୍ୟ କରୁଛନ୍ତି । ଚାଷରୁ ଭଲ ରୋଜଗାର କରିବେ ବୋଲି ଆଶା ରଖିଛନ୍ତି ଲିକୁ ।
ଚଳିତ ବର୍ଷ ଲିକୁ ଧାର କରଜ କରିବା ସହ ନିଜ ପାଣ୍ଠି ବିନିଯୋଗ କରି କଖାରୁ ଚାଷ ଆରମ୍ଭ କରିଛନ୍ତି । ଅନୁକୂଳ ପାଗ ଯୋଗୁ ଭଲ କଖାରୁ ମଧ୍ୟ ଉତ୍ପାଦନ ହେଉଛି । ଦୈନିକ ଚାଷ କାମରେ ଦଶ ଜଣଙ୍କୁ ନିୟୋଜିତ କରି ରୋଜଗାର ଯୋଗାଇ ଦେଉଛନ୍ତି । ହେଲେ ଏଯାଏଁ ତାଙ୍କୁ କୌଣସି ସରକାରୀ ପ୍ରୋତ୍ସାହନ ମିଳିପାରିନାହିଁ । ଉଦ୍ୟାନ ବିଭାଗ ତରଫରୁ ତାଙ୍କୁ ସାହାର୍ଯ୍ୟ ସହଯୋଗ ଯୋଗାଇ ଦେଲେ ସେ ଚାଷକୁ ଆହୁରି ବ୍ୟାପକ କରିପାରନ୍ତେ ବୋଲି ଆଶା ରଖିଛନ୍ତି । ଚାକିରି ପଛରେ ନପଡି ଲିକୁ ନିଜକୁ ଜଣେ ସଫଳ ଚାଷୀ କରିପାରି ଅନ୍ୟମାନଙ୍କ ପାଇଁ ପାଲଟିଛି ଉଦାହରଣ
