ଜମି ଦେଉନି ପ୍ରଶାସନ, ପ୍ରତିବାଦରେ ଚମ୍ପୁଆ ବନ୍ଦ

କେନ୍ଦୁଝର: ଆଜିଠୁ ୩ଦିନ ପାଇଁ ଚମ୍ପୁଆ ବନ୍ଦ । ଦୋକାନ ବଜାର ସହିତ ଯାନବାହନ ଚଳାଚଳ ସମ୍ପୂର୍ଣ୍ଣ ବନ୍ଦ ରହିଛି । କେନ୍ଦ୍ରୀୟ ବିଦ୍ୟାଳୟ ପାଇଁ ପ୍ରଶାସନ ଜମି ଯୋଗାଇ ନଦେବା ପ୍ରତିବାଦରେ ବନ୍ଦ ଡାକରା ଦେଇଛି ଚମ୍ପୁଆ ବିକାଶ ପରିଷଦ । ଫଳରେ ଆଜି ସକାଳୁ ଚମ୍ପୁଆ ସମେତ ଝାଡ଼ଖଣ୍ଡ ଓ ଓଡ଼ିଶା ସୀମାରେ ମଧ୍ୟ ଗାଡ଼ି ଚଳାଚଳ ବନ୍ଦ ରହିଛି । ଏହା ସମସ୍ତ ଦୋକାନ ବଜାର ମଧ୍ୟ ବନ୍ଦ ରଖାଯାଇଛି ।

ଚମ୍ପୁଆରେ ସମସ୍ତ ସରକାରୀ ଓ ବେସରକାରୀ କାର୍ଯ୍ୟାଳୟ, ଶିକ୍ଷାନୁଷ୍ଠାନ, କୋର୍ଟ ଆଦି ବନ୍ଦ ରହିଛି । ଏହି ବନ୍ଦ ଆଗାମୀ ୩ ଦିନ ଯାଏ ଆନ୍ଦୋଳନ ଜାରି ରହିବ ବୋଲି ସୂଚନା ଦେଇଛି ଚମ୍ପୁଆ ବିକାଶ ପରିଷଦ । କେବଳ ଡାକ୍ତରଖାନା ଓ ଅନ୍ୟାନ୍ୟ ଜରୁରୀକାଳିନ ଯାତାୟତ ଓ ଅନୁଷ୍ଠାନ ଖୋଲାରହିଛି । ସେପଟେ ଜମି ଯୋଗାଇନଦେବା ପ୍ରସଙ୍ଗରେ ପ୍ରଶାସନର ପ୍ରତିକ୍ରିୟା ମିଳିପାରିନାହିଁ  ।