ଆସିଲା ଚାମ୍ପିଅନ୍ସ ଟ୍ରଫି ସମ୍ଭାବ୍ୟ ଭେନ୍ୟୁ: ଫେବୃଆରୀ ୨୩ରେ ଭାରତ-ପାକିସ୍ତାନ ମହାସମର

ମୁମ୍ବାଇ: ଆଇସିସି ଚାମ୍ପିଅନ୍ସ ଟ୍ରଫିର ସମ୍ଭାବ୍ୟ ଭେନୁ ପ୍ରକାଶ ପାଇଛି । ଆଉ ଏହା କ୍ରିକେଟ ପ୍ରଶଂସକଙ୍କ ମଧ୍ୟରେ ଉତ୍ସାହ ଭରି ଦେଇଛି । ପାକିସ୍ତାନରେ ଚାମ୍ପିଅନ୍ସ ଟ୍ରଫି ଖେଳାଯିବାକୁ ନେଇ ଟଣା ଓଟରା ଭିତରେ ଏହି ଭେନ୍ୟୁ ଆସିଛି । ଆଉ ଭାରତ-ପାକିସ୍ତାନ କେଉଁଦିନ ମୁହାଁମୁହିଁ ହେବେ ଏକ ପ୍ରକାର ସ୍ପଷ୍ଟ ହୋଇଛି । ଆଇସିସି ଚାମ୍ପିଅନ୍ସ ଟ୍ରଫିର ସମ୍ଭାବ୍ୟ ଭେନ୍ୟୁ ହିସାବରେ ଭାରତ ଓ ପାକିସ୍ତାନ ମଧ୍ୟରେ ୨୯୨୫ ଫେବୃଆରୀ ୨୩ ତାରିଖରେ ଖେଳାଯିବ ମ୍ୟାଚ୍ । ଯାହାକୁ ସାରା ବିଶ୍ବର କ୍ରିକେଟ୍ ଫ୍ୟାନ୍ ଅନାଇ ବସିଛନ୍ତି ।

ସୂଚନାଯୋଗ୍ୟ, ଆସନ୍ତାବର୍ଷ ପାକିସ୍ତାନରେ ଆଇସିସି ଚାମ୍ପିୟାନ ଟ୍ରଫି ଆୟୋଜନ ହେଉଛି । କିନ୍ତୁ ଭାରତ ପାକିସ୍ତାନ ଖେଳିବା ପାଇଁ ଯିବ ନାହିଁ । ତେଣୁ ଭାରତ ତାର ସବୁ ମ୍ୟାଚ୍ ନିରପେକ୍ଷ ସ୍ଥାନରେ ଖେଳିବ । ଯଦି ଭାରତ ସେମି ଫାଇନାଲକୁ କ୍ବାଲିଫାଏ କରେ ତେବେ ଏହି ମ୍ୟାଚ ଆୟୋଜନରୁ ବଞ୍ଚିତ ହେବ । ସେତିକି ନୁହେଁ, ଭାରତ ଯଦି ଫାଇନାଲକୁ ଯାଏ ତେବେ ପାକିସ୍ତାନ ହାତରୁ ଏହି ମ୍ୟାଚ୍ ମଧ୍ୟ ନିରପେକ୍ଷ ସ୍ଥାନକୁ ଚାଲିଯିବ । ଶେଷ ଥର ଭାରତ ଏମ.ଏସ. ଧ୍ବନୀଙ୍କ ନେତୃତ୍ବରେ ୨୦୧୩ରେ ଚାମ୍ପିୟନ୍ସ ଟ୍ରଫି ଜିତିଥିଲା ।

ରେବ ସ୍ପୋର୍ଟର ରିପୋର୍ଟ ଅନୁଯାୟୀ, ଭାରତ ୩ଟଇ ଗ୍ରୁଫ୍ ମ୍ୟାଚ ଖେଳିବ । ପ୍ରଥମ ମ୍ୟାଚରେ ବାଂଲାଦେଶ ଦ୍ବିତୀୟରେ ପାକିସ୍ତାନ ଓ ତୃତୀୟ ମ୍ୟାଚରେ ନ୍ୟୁଜଲ୍ୟାଣ୍ଡକୁ ଭେଟଇବ ଦଳ । ୨୩ ମାର୍ଚ୍ଚରେ ଭାରତ ଶେଷ ଗ୍ରୁଫ ମ୍ୟାଚ ଖେଳିବ । ସେହିପରି ସେମିଫାଇନାଲ ଦୁଇଟଇ ୪ ଓ ୫ ମାର୍ଚ୍ଚରେ ଖେଳାଯିବାକୁ ଥିବା ବେଳେ ଫାଇନାଲ ୯ ମାର୍ଚ୍ଚରେ ହେବ । ଫାଇନାଲ ମ୍ୟାଚ ପାଇଁ ଗୋଟିଏ ଦିନ ରିଜର୍ଭ ରହିଛି ।

ପାକିସ୍ତାନ ଡିଫେଣ୍ଡିଂ ଚମ୍ପିଅନ ଭାବେ ଟୁର୍ଣ୍ଣାମେଣ୍ଟକୁ ଓହ୍ଲାଇବ । ୨୦୧୭ରେ ବିରାଟ କୋହଲିଙ୍କ ନେତୃତ୍ବଧୀନ ଭାରତୀୟ ଟିମକୁ ପାକିସ୍ତାନ ଏକତରଫା ହରାଇ ଚାମ୍ପିୟନ ହୋଇଥିଲା । ଏହାପରେ ଆଇସିସି ଏହାର ପରବର୍ତ୍ତି ସଂସ୍କରଣକୁ ରଦ୍ଦ କରି ଦେଇଥିଲା । ଯାହା ପୁଣି ଆରମ୍ଭ ହେବାକୁ ଯାଉଛି ।

୨୦୨୫ ଚାମ୍ପିଅନ୍ସ ଟ୍ରଫି ସମ୍ଭାବ୍ୟ ଭେନ୍ୟୁ

୧୯ ଫେବୃଆରୀ – ପାକିସ୍ତାନ ବନାମ ନ୍ୟୁଜଲ୍ୟାଣ୍ଡ

୨୦ ଫେବୃଆରୀ – ଭାରତ ବନାମ ବାଂଲାଦେଶ

୨୧ ଫେବୃଆରୀ – ଆଫଗାନିସ୍ତାନ ବନାମ ସାଉଥ ଆଫ୍ରିକା

୨୨ ଫେବୃଆରୀ – ଅଷ୍ଟ୍ରେଲିଆ ବନାମ ଇଂଲଣ୍ଡ

୨୩ ଫେବୃଆରୀ – ଭାରତ ବନାମ ପାକିସ୍ତାନ

୨ ମାର୍ଚ୍ଚ           – ଭାରତ ବନାମ ନ୍ୟୁଜଲାଣ୍ଡ

୪ ମାର୍ଚ୍ଚ           – ପ୍ରଥମ ସେମିଫାଇନାଲ

୫ ମାର୍ଚ୍ଚ           – ଦ୍ବିତୀୟ ସେମିଫାଇନାଲ

୯ ମାର୍ଚ୍ଚ           – ଫାଇନାଲ