ନନ୍ଦିଘୋଷ ବ୍ୟୁରୋ : ଚାମ୍ପିଅନ୍ସ ଟ୍ରଫି କ୍ରିକେଟ। ନ୍ୟୁଜିଲାଣ୍ଡକୁ ୨୫୦ରନର ଟାର୍ଗେଟ ଦେଲା ଭାରତ। ଶ୍ରେୟାସ ଆୟରଙ୍କ ସର୍ବାଧିକ ୭୯ ରନ ବଳରେ କିୱି ଦଳ ଆଗରେ ଏହି ସମ୍ମାନଜନକ ଟାର୍ଗେଟ ଛିଡ଼ା କରିଛି ଟିମ ଇଣ୍ଡିଆ। ହାର୍ଦ୍ଦିକ ପାଣ୍ଡ୍ୟା ଦ୍ଵିତୀୟ ସର୍ବାଧିକ ୪୫ ରନ କରିଥିଲେ। ଅକ୍ଷର ପଟେଲ ୪୨, କେଏଲ ରାହୁଲ ୨୩ ରନ କରି ପ୍ୟାଭିଲିୟନ ଫେରିଥିଲେ। ତେବେ ଆଜି କାମ କରିନଥିଲା ଭାରତର ଓପନ ବ୍ୟାଟିଂ।ଶୁବମନ ଗିଲ ଓ ରୋହିତ ଶର୍ମା ପ୍ରଥମେ ବ୍ୟାଟିଂ କରିବାକୁ ଆସିଥିଲେ। ତେବେ ମାତ୍ର ୨ ରନ କରି ପ୍ଯାଭିଲିୟନ ଫେରିଥିଲେ ଶୁବମନ ଗିଲ। ଦଳର ସ୍କୋର ମାତ୍ର ୧୫ ରନ ଥିବାବେଳେ ଶୁବମନ ଆଉଟ ହୋଇଥିଲେ। ଏହାପରେ ୩୦ ରନରେ ଭାରତର ଦ୍ଵିତୀୟ ୱିକେଟର ପତନ ହୋଇଥିଲା। ୧୫ ରନରେ ଆଉଟ ହୋଇଥିଲେ ଅଧିନାୟକ ରୋହିତ ଶର୍ମା। ବିରାଟ କୋହଲି ୧୧ ରନ କରି ଆଉଟ ହୋଇଥିଲେ। ଏହାପରେ ଭାରତର ବ୍ଯାଟିଂ ସମ୍ଭାଳିଥିଲେ ମିଡିଡ ଅର୍ଡର ବ୍ୟାଟ୍ସ,ମ୍ୟାନ। ଶ୍ରେୟସ ଆୟର ଏବଂ ଅକ୍ଷର ପଟେଲଙ୍କ ଯୋଡ଼ି ଲାଗିଥିଲା। ଦଳ ପାଇଁ କେଏଲ ରାହୁଲ ୨୩ ରନ ସଂଗ୍ରହ କରିଥିଲେ। ଭାରତ ୯ ୱିକେଟ ହରାଇ କରିଥିଲା ୨୪୯ ରନ। କିୱି ଦଳର ଦ୍ରୁତ ବୋଲିଂ ଭାରତ ପାଇଁ କାଳ ସାଜିଥିଲା। ଫାଷ୍ଟ ବୋଲର ମ୍ୟାଟ୍ ହେନରି ସର୍ବାଧିକ ୫ୱିକେଟ ନେଇଛନ୍ତି। ଅନ୍ୟ ୪ ବୋଲର ଗୋଟିଏ ଲେଖାଏଁ ୱିକେଟ ନେଇଛନ୍ତି। ଏବେ ଭାରତ ଦେଇଥିବା ୨୫୦ ଟାର୍ଗେଟକୁ ପିଛା କରୁଛି ନ୍ୟୁଜିଲାଣ୍ଡ ।
