ପୋଲିସଙ୍କୁ ଲୁଟେରାଙ୍କ ଖୋଲା ଚ୍ୟାଲେଞ୍ଜ, ଘର ସାମ୍ନାରୁ ମହିଳାଙ୍କ ବେକରୁ ଝାମ୍ପିନେଲେ ଚେନ୍
1 min read
ଖୋର୍ଦ୍ଧା: କରୋନା କାଳରେ ବଢ଼ିବାରେ ଲାଗିଛି ଲୁଟପାଟ । ପୋଲିସକୁ ପ୍ରତି ମୁହୂର୍ତ୍ତରେ ଖୋଲା ଚ୍ୟାଲେଞ୍ଜ ଦେଉଛନ୍ତି ଲୁଟେରା । ପୋଲିସର ଡ଼ରକୁ ଫୋପାଡ଼ିଦେଇ ମଚାଇଛନ୍ତି ଆତଙ୍କ । କଳା ପଲସରକୁ ଧରିପାରୁନି ପୋଲିସର ଭ୍ୟାନ୍ । ଦିନ ଦିପହର ସମୟରେ ଘର ସମୁଖରୁ ସୁନା ଚେନ ଲୁଟି ନେଲେ ଦୁର୍ବୃତ୍ତ । ଆଖି ପୁଛୁଳାକେ ବେକରୁ ଚେନ୍ ଛିଣ୍ଡାଇ ପଳାଇଗଲେ । କେହି ଅଟକାଇବା ଆଗକୁ ପୁରା ଉଭାନ ଦୁର୍ବୃତ୍ତ ।
ଫାଙ୍କା ରାସ୍ତା ନୁହେଁ ଗହଳି ଥିବା ରାସ୍ତାରେ ଘଟିଛି ଘଟଣା । ଏଭଳି ଘଟଣା ଘଟିଛି ଖୋର୍ଦ୍ଧା ଆଦର୍ଶ ଥାନା ଠାରୁ ମାତ୍ର ୨୦୦ ମିଟର ଦୂର ପୋଷ୍ଟ ଅଫିସ ଗଳି ରାସ୍ତରେ । ନିଜ ଘର ସମୁଖରୁ ଲୁଟ ର ଶିକାର ହୋଇଛନ୍ତି ନମିତା ତ୍ରିପାଠୀ ।
ସୂଚନା ଅନୁଯାୟୀ, କିଛି ଅଫିସ କାମ ରେ ଉପଜିଲ୍ଲାପାଳଙ୍କ କାର୍ଯ୍ୟଳୟକୁ ଯାଇ ଫେରୁଥିଲେ ନମିତା । ନିଜ ଘର ପାଖରେ ଥିବାବେଳେ ଦୁଇ ଜଣ ଲୁଟେରା ବାଇକ ରେ ଆସି ନମିତାଙ୍କ ବେକରୁ ଚେନ ଝାମ୍ପିନେଇଥିଲେ । ସେ କାହାକୁ ଡ଼ାକିବା ପୂର୍ବରୁ ଫେରାର ହୋଇଯାଇଥିଲେ ଲୁଟେରା ।
ତେବେ CCTV ରେ ଲୁଟର ଲାଇଭ ଦୃଶ୍ୟ କଏଦ ହୋଇଛି । ନନ୍ଦିଘୋଷ ଟିଭି ରେ ଲାଗିଛି ଲୁଟର ଦୃଶ୍ୟ । ଦେଖନ୍ତୁ ନିଜ ଘର ସାମ୍ନାରୁ ବୋକରୁ କେମିତି ଚେନ୍କୁ ଝାମ୍ପିନେଲେ ଦୁଇଜଣ ଦୁର୍ବୃତ୍ତ । ସେପଟେ ଥାନାରେ ଏତଲା ସହ ସିସିଟିଭି ଫୁଟେଜ ମଧ୍ୟ ଦିଆଯାଇଛି ।
