ବିଦେଶ ଫେରନ୍ତାଙ୍କ ଲାଗି ଆସିଲା ନୂଆ କରୋନା ଗାଇଡଲାଇନ୍

ନୂଆଦିଲ୍ଲୀ: ଦେଶରେ କୋଭିଡ୍ ସଂକ୍ରମଣ ମାମଲା ଖସୁଥିବା ବେଳେ ଗୁରୁବାର କେନ୍ଦ୍ର ସରକାର ନୂଆ ଗାଇଡଲାଇନ୍ ଜାରି କରିଛନ୍ତି । ବିଦେଶ ଫେରନ୍ତାଙ୍କ ଲାଗି ଜାରି ନୂଆ ଗାଇଡଲାଇନରେ ୭ ଦିନିଆ ବାଧ୍ୟତାମୂଳକ କ୍ୱାରେଣ୍ଟାଇନକୁ ହଟାଇ ଦିଆଯାଇଛି । ଏହି ନୂଆ ନିୟମ ଫେବ୍ରୁଆରୀ ୧୪ ତାରିଖରୁ ଲାଗୁ ହେବ ।

The @MoHFW_INDIA has issued revised guidelines for International Arrivals ✈️

Guidelines to come in effect from 14th February.

Follow these diligently, stay safe & strengthen India's hands in the fight against #COVID19.

Main features include:

? https://t.co/J9e8ZJw3qw (1/6)

— Dr Mansukh Mandaviya (मोदी का परिवार) (@mansukhmandviya) February 10, 2022

ନୂଆ ଗାଇଡଲାଇନ୍ ଅନୁସାରେ, କେହି ବିଦେଶରୁ ଆସିଲେ ୧୪ ଦିନ ଯାଏ ନିଜେ ନିଜ ସ୍ୱାସ୍ଥ୍ୟ ଉପରେ ନଜର ରଖିବେ । କୋଭିଡର କୌଣସି ଲକ୍ଷଣ ଦେଖାଗଲେ ନିଜକୁ ଆଇସୋଲେଟ୍ କରିବେ । ଏଥିସହ ପୂର୍ବରୁ ଓମିକ୍ରନ୍ ବିପଦକୁ ଦେଖି ବିଭିନ୍ନ ଦେଶ ପାଇଁ ସରକାର ଜାରି କରିଥିବା ଆଟ ରିସ୍କ ଟ୍ୟାଗକୁ ମଧ୍ୟ ହଟାଇ ଦିଆଯାଇଛି ।

ଏଥିସହ ୮୨ଟି ଦେଶରୁ ଆସୁଥିବା ଯାତ୍ରୀ ଯାତ୍ରାର ୭୨ ଘଣ୍ଟା ମଧ୍ୟରେ କୋଭିଡ୍ ଆରଟିପିସିଆର୍ ନେଗେଟିଭ୍ ପ୍ରମାଣପତ୍ର ସହ ୨ ଡୋଜ୍ ଟିକା ନେଇଥିବା ସାର୍ଟିଫିକେଟ୍ ଅପଲୋଡ୍ କରିବେ । ଗତ ୨୪ ଘଣ୍ଟାରେ ଦେଶରେ ୬୭ ହଜାର ୮୪ ଜଣ କୋଭିଡ୍ ସଂକ୍ରମିତ ଚିହ୍ନଟ ହୋଇଥିବା ବେଳେ ୧୨୪୧ ଜଣଙ୍କ ଜୀବନ ନେଇଛି କରୋନା ।