କରୋନା ସ୍ଥିତି ଅନୁଧ୍ୟାନ ପାଇଁ ଓଡ଼ିଶା ଆସିବ କେନ୍ଦ୍ରୀୟ ଟିମ୍
ଭୁବନେଶ୍ୱର: କୋଭିଡ୍ ସ୍ଥିତି ଅନୁଧ୍ୟାନ ପାଇଁ ଓଡ଼ିଶା ଆସିବ କେନ୍ଦ୍ରୀୟ ଟିମ୍। ଏହି ସମୟରେ କେନ୍ଦ୍ର ନିକଟରେ ରାଜ୍ୟ ରଖିଥିବା ପୂର୍ବ ପ୍ରସ୍ତାବ ଉପସ୍ଥାପନ କରିବ। ବିଶେଷକରି ଅଧିକ ଟିକା ଓ ଔଷଧ ପ୍ରଦାନ ଏବଂ ଅନ୍ୟାନ୍ୟ ସହାୟତା ଦେବାକୁ କେନ୍ଦ୍ରୀୟ ଟିମ୍ ପାଖରେ ଦାବି ରଖାଯିବ ବୋଲି ଡିଏମଇଟି ନିର୍ଦ୍ଦେଶକ ସି.ବି.କେ ମହାନ୍ତି କହିଛନ୍ତି। କେନ୍ଦ୍ରୀୟ ଟିମ୍ ଦେଶ ୬ଟି ରାଜ୍ୟ ଗସ୍ତ କରିବାକୁ ଥିବା ବେଳେ ଓଡ଼ିଶାକୁ କେବେ ଆସିବେ ତାର ସଠିକ ସୂଚନା ମିଳିନାହିଁ। ଏହି ଟିମ୍ ମୁଖ୍ୟତଃ କୋଭିଡ୍ ସ୍ଥିତି, ଟିକାକରଣ, ଲୋକଙ୍କ ବ୍ୟବହାର ଓ ଅଧିକ ସଂକ୍ରମଣ ହେଉଥିବା ୪ଟି ଜିଲ୍ଲାରେ ସ୍ଥିତି ସମୀକ୍ଷା କରିବେ। କରୋନାର ତୃତୀୟ ଲହର ମୁକାବିଲା ପାଇଁ ରାଜ୍ୟ ସରକାର ସମ୍ପୂର୍ଣ୍ଣ ପ୍ରସ୍ତୁତ। ତେବେ ତୃତୀୟ ଲହର ଆସିବ କି ନାହିଁ, ତା’ର ସ୍ପଷ୍ଟ ସୂଚନା ନାହିଁ ବୋଲି ଡିଏମଇଟି ନିର୍ଦ୍ଦେଶକ ସି.ବି.କେ ମହାନ୍ତି କହିଛନ୍ତି।
