ରାଜ୍ୟ ସରକାରଙ୍କ ସହ ସ୍ବର ମିଶାଇଲେ କେନ୍ଦ୍ରୀୟ ଟିମ୍
ଭୁବନେଶ୍ବର: ପ୍ରାକୃତିକ ବିପର୍ଯ୍ୟୟରେ ଫସଲ ନଷ୍ଟ ପାଇଁ ପ୍ରଚଳିତ ବ୍ୟବସ୍ଥାରେ ସରକାରୀ ସହାୟତା ଯଥେଷ୍ଟ ହେଉନାହିଁ । ଏଥିପାଇଁ ଏସ୍ଡିଆର୍ଏଫ୍ ନିୟମ ରିଲିଫ୍ କୋଡ୍ ସଂଶୋଧନ ଲାଗି କେନ୍ଦ୍ରକୁ ରାଜ୍ୟ ସରକାର ବାରମ୍ବାର ଚିଠି ଲେଖିଛନ୍ତି । ରାଜ୍ୟ ସରକାରଙ୍କ ସହ କେନ୍ଦ୍ରୀୟ ଟିମ୍ ସ୍ବର ମିଳାଇଛି । ଏସ୍ଡିଆର୍ଏଫ୍ ନିୟମାନୁଯାୟୀ ଜଓ୍ବାଦ ବର୍ଷା ଜନିତ ଫସଲ କ୍ଷତି ସହାୟତା ରାଶି ଯଥେଷ୍ଟ ହେବନାହଁ ।
ଏସ୍ଡିଆର୍ଏଫ୍ ନିୟମ ସଂଶୋଧନ ପାଇଁ କେନ୍ଦ୍ରୀୟ ଟିମ୍ କେନ୍ଦ୍ର ସରକାରଙ୍କୁ ସୁପାରିସ କରିବ । ଯାହା ଓଡ଼ିଶା ସରକାର ବହୁ ପୂର୍ବରୁ କହୁଥିଲେ ଏବେ କେନ୍ଦ୍ରୀୟ ଟିମ୍ ତାହା ଦୋହରାଇଛି । ପ୍ରାକୃତିକ ଦୁର୍ବିପାକରେ ଫସଲ ନଷ୍ଟ ହେଲେ ଏବେ ଇନ୍ପୁଟ ସହାୟତା ବାବଦରେ ଜଳସେଚିତ ଜମି ପାଇଁ ହେକ୍ଟର ପିଛା ୧୩ ହଜାର ୫୦୦ ଓ ଅଣଜଳସେଚିତ ଜମି ପାଇଁ ୬ ହଜାର ୮୦୦ ଟଙ୍କା ମିଳୁଛି । ଏବେ କେନ୍ଦ୍ରୀୟ ଟିମ୍ କ’ଣ ସୁପାରିସ କରୁଛି ତାକୁ ରାଜ୍ୟ ସରକାର ଅପେକ୍ଷା କରିଛନ୍ତି
ବିହନ, ସାର ଓ ମଜୁରୀ ବୃଦ୍ଧି ପାଇଥିବାରୁ ଫସଲ ଉତ୍ପାଦନ ଖର୍ଚ୍ଚ ବଢ଼ି ଚାଲିଛି । ଏହାସହ ବାରମ୍ବାର ବାତ୍ୟା ଓ ବନ୍ୟା ଫଳରେ ଚାଷୀଙ୍କ ମେରୁଦଣ୍ଡ ଭାଙ୍ଗିପଡୁଛି । ଏପରି ସ୍ଥଳେ ଏସ୍ଡିଆରଏଫ୍ ନିୟମ ସଂଶୋଧନ ପାଇଁ ବହୁ ଦିନରୁ ରାଜ୍ୟ ସରକାର ଦାବି କରିଆସୁଛନ୍ତି । ଏହାସହ ଦୁର୍ବିପାକର ମୁକାବିଲା ପାଇଁ ଭିତ୍ତିଭୂମି ସୁଦୃଢ କରିବାକୁ ରାଜ୍ୟ ସରକାର ୨୦ ହଜାର କୋଟି ଟଙ୍କାର ପ୍ରସ୍ତାବ ଦେଇଥିଲେ ବି କେନ୍ଦ୍ର କୌଣସି ପଦକ୍ଷେପ ନେଇନଥିବା ବିଶେଷଜ୍ଞ କହିଛନ୍ତି ।
