ଗୁଜୁରାଟ ନିର୍ବାଚନ ପୂର୍ବରୁ କେନ୍ଦ୍ରର ବଡ଼ ଚାଲ୍; ଶରଣାର୍ଥୀଙ୍କୁ ଦେବେ ନାଗରିକତା ପ୍ରମାଣପତ୍ର

ନୂଆଦିଲ୍ଲୀ: ଗୁଜରାଟରେ କେନ୍ଦ୍ରର ନିର୍ବାଚନୀ ଚାଲ । ନିର୍ବାଚନ ତାରିଖ ଘୋଷଣା ପୂର୍ବରୁ ସଂଖ୍ୟଲଘୁଙ୍କ ନାଗରିକତାକୁ ନେଇ ବଡ଼ ଘୋଷଣା । ଆଫଗାନିସ୍ତାନ, ପାକିସ୍ତାନ ଓ ବାଂଲା ଶରଣାର୍ଥୀଙ୍କୁ ନାଗରିକତା ପ୍ରମାଣପତ୍ର ଦେବେ ସରକାର । ଏହି ତିନି ରାଷ୍ଟ୍ରରୁ ଆସିଥିବା ଶହ ଶହ ଶରଣାର୍ଥୀ ଗୁଜରାଟର ଦୁଇଟି ଜିଲ୍ଲାରେ ରହିଆସୁଛନ୍ତି ।

ନାଗରିକତା ଆଇନ ୧୯୫୫ ଆଧାରରେ ସେମାନଙ୍କୁ ନାଗରିକତା ପ୍ରମାଣପତ୍ର ଦିଆଯିବ ବୋଲି କେନ୍ଦ୍ର ସରକାରଙ୍କ ଘୋଷଣା କରିଛନ୍ତି । ଏ ନେଇ ଗୃହମନ୍ତ୍ରଣାଳୟ ପକ୍ଷରୁ ନୋଟିଫିକେସନ ଜାରି କରାଯାଇଛି । ପାକିସ୍ତାନ, ଆଫଗାନିସ୍ତାନ ଓ ବାଂଲାଦେଶରୁ ଚାଲି ଆସିଥିବା ହିନ୍ଦୁ, ଶିଖ, ବୌଦ୍ଧ, ଜୈନ୍ ଓ ପାରସୀ ଆଦି ନାଗରିକଙ୍କୁ ନାଗରିକତା ପ୍ରମାଣପତ୍ର ଦେବାକୁ ନିଷ୍ପତ୍ତି ହୋଇଛି । ଏ ନେଇ ଅନଲାଇନରେ ଆବେଦନ କରିବାକୁ ହେବ । ଜିଲ୍ଲାପାଳ ଆବେଦନ ଫର୍ମର ଯାଞ୍ଚ କରିବେ । ଏହାପରେ ଆବେଦନ ଫର୍ମ ସହ ଜିଲ୍ଲାପାଳ ଯାଞ୍ଚ ରିପୋର୍ଟ ଗୃହ ମନ୍ତ୍ରଣାଳୟରେ ଦାଖଲ କରିବେ ।