ମୋରାଟୋରିୟମ୍ ଉପରେ ଆଉ ଅଧିକ କୋହଳ ସମ୍ଭବ ନୁହେଁ, ସୁପ୍ରିମ କୋର୍ଟରେ କେନ୍ଦ୍ର ସରକାର ରଖିଲେ କାରଣ
1 min read
ନୂଆଦିଲ୍ଲୀ: ମୋରାଟୋରିୟମ୍ ବା ସୁଧ ଦେବା ଅବଧି ସମୟରେ ଇଏମ୍ଆଇ ଉପରେ ଆଉ ଅଧିକ କୋହଳ ସମ୍ଭବ ନୁହେଁ । ଦୁଇ କୋଟି ପର୍ଯ୍ୟନ୍ତ କୃଷି ଋଣ ଉପରେ ଚକ୍ରବୃଦ୍ଧି ସୁଦ୍ଧ ଛାଡ କରିବା ବ୍ୟତିତ ଅନ୍ୟ କୋଣସି କ୍ଷେତ୍ରରେ କୋହଳ କରିବା ବ୍ୟାଙ୍କିଙ୍ଗ କ୍ଷେତ୍ର ପାଇଁ କ୍ଷତିକାରକ ହୋଇପାରେ । ସୁପ୍ରିମକୋର୍ଟରେ ଏନେଇ ସତ୍ୟପାଠ ଦାଖଲ କରିଛନ୍ତି କେନ୍ଦ୍ର ସରକାର । ସତ୍ୟପାଠରେ କୁହାଯାଇଛି ଯେ, ପୂର୍ବରୁ ସରକାର ଏନେଇ ଋଣ ଗ୍ରହିତାଙ୍କୁ ସୁଯୋଗ ଦେଇ ସାରିଛନ୍ତି । ଏବେ ଏହି ପ୍ୟାକେଜରେ ଆଉ ଅଧିକ ଛାଡ କରିବା ସମ୍ଭବ ନୁହେଁ । ସରକାରଙ୍କ ଆର୍ଥିକ ବ୍ୟବସ୍ଥାରେ ଏକ ଡୋମିନି ରହିଛି ।
ଋଣ ନେଉଥିବା କମ୍ପାନୀ ଋଣ ନେବା ପୂର୍ବରୁ ସେମାନଙ୍କ ଯୋଜନା ସମ୍ପର୍କରେ ଅବଗତ କରାଇଥାନ୍ତି । କେନ୍ଦ୍ର ଓ ଆରବିଆଇ ଏହା ଉପରେ ହସ୍ତକ୍ଷେପ କରେନାହିଁ । ତେବେ ଚକ୍ରବୃଦ୍ଧି ସୁଧ ଛାଡ଼ କରିବା ବ୍ୟବସ୍ଥା କ୍ୟାବିନେଟ ଦ୍ୱାରା ମଞ୍ଜୁରି ମିଳିବା ପରେ ଜାରି କରାଯିବ । ପୂର୍ବରୁ ୩ ଲକ୍ଷ କୋଟିରେ ଏମଏସଏମଇ ଏମର୍ଜେନ୍ସି କୋଭିଡ୍ ପଲିସି ଘୋଷଣା ହୋଇଛି । ଏହାଦ୍ୱାରା ଋଣ ଗ୍ରହିତା ଉପକୃତ ହେବା ସହ ସେମାନଙ୍କ ଋଣ ପରିଷୋଧ କରିବାରେ ସହାୟକ ହେବ ।
ସୂଚନା ଅନୁଯାୟୀ, ମୋରାଟୋରିୟମ୍ ବା ସୁଧ ଦେବା ଅବଧି ସମୟରେ ଇଏମ୍ଆଇ ଦେଇ ନଥିବା ଗ୍ରାହକଙ୍କୁ ଆଶ୍ୱସ୍ତି । କୌଣସି ବ୍ୟାଙ୍କ ବା ଫାଇନାନ୍ସ ସଂସ୍ଥା ସୁଧ ଉପରେ ସୁଧ ନେଇପାରିବେ ନାହିଁ । ଏ ନେଇ ସୁପ୍ରିମକୋର୍ଟରେ ସତ୍ୟପାଠ ଦାଖଲ କରିଥିଲେ କେନ୍ଦ୍ର ସରକାର । ୨ କୋଟି ଟଙ୍କା ପର୍ଯ୍ୟନ୍ତ MSME ଋଣ, ବ୍ୟକ୍ତିଗତ, ଶିକ୍ଷା , ଗୃହ , କାର , କଞ୍ଜୁମର ଡ୍ୟୁରେବଲ, କ୍ରେଡିଟ୍ କାର୍ଡ ବକେୟା ଆଦି କ୍ଷେତ୍ରରେ ଏହି ନିୟମ ଲାଗୁ ହେବ ବୋଲି କୁହାଯାଇଥିଲା ।
