ମୋହଲ୍ଲା କ୍ଲିନିକରେ ନିମ୍ନମାନର ଔଷଧ ପ୍ରଦାନ ଅଭିଯୋଗ ପ୍ରସଙ୍ଗ; ମାମଲାର ତଦନ୍ତ କରିବ CBI

ନୂଆଦିଲ୍ଲୀ: ଦିଲ୍ଲୀରେ ଚାଲିଥିବା ମୋହଲ୍ଲା କ୍ଲିନିକରେ ନିମ୍ନମାନର ଔଷଧ ପ୍ରଦାନ ଅଭିଯୋଗ ପ୍ରସଙ୍ଗ। ମାମଲାର ତଦନ୍ତ କରିବ ସିବିଆଇ। କେନ୍ଦ୍ରୀୟ ତଦନ୍ତକାରୀ ସଂସ୍ଥା ସିବିଆଇ ଦ୍ବାରା ତଦନ୍ତ କରିବାକୁ ନିର୍ଦ୍ଦେଶ ଦେଇଛନ୍ତି କେନ୍ଦ୍ର ସରକାର। ମୋହଲ୍ଲା କ୍ଲିନିକରେ ନିମ୍ନମାନର ଔଷଧ ଦିଆଯାଉଥିବା ଅଭିଯୋଗ ହୋଇଛି।

ଦିଲ୍ଲୀ ଉପରାଜ୍ୟପାଳଙ୍କ ପରାମର୍ଶ ପରେ ଏହି ତଦନ୍ତ ନିର୍ଦ୍ଦେଶ ଦେଇଛନ୍ତି କେନ୍ଦ୍ର ସରକାର। ଦିଲ୍ଲୀ ଉପରାଜ୍ୟପାଳ ଭିକେ ସକସେନାଙ୍କ ରିପୋର୍ଟ ପରେ ଏହି ତଦନ୍ତ ନିର୍ଦ୍ଦେଶ ଦେଇଛନ୍ତି କେନ୍ଦ୍ର ସରକାର। ଦିଲ୍ଲୀ ମୋହଲ୍ଲା କ୍ଲିନିକରେ କରାଯାଉଥିବା ପାଥୋଲଜି ଟେଷ୍ଟ ରିପୋର୍ଟରେ ବ୍ୟାପକ ହେରଫେର ପରେ ତଦନ୍ତ ନିର୍ଦ୍ଦେଶ ଦେଇଛନ୍ତି।

ଲକ୍ଷାଧିକ ସଂଖ୍ୟାରେ ଜାଲ ଟେଷ୍ଟ କରାଯାଇଥିବା ଅଭିଯୋଗ ହୋଇଛି। ମିଛ ରୋଗୀଙ୍କ ନାଁରେ ଏହି ସବୁ ଟେଷ୍ଟ କରାଯାଇଛି। ମୋହଲ୍ଲା କ୍ଲିନିକ ଜରିଆରେ ଶହ ଶହ କୋଟି ଟଙ୍କା ହେରଫେର କରାଯାଇଥିବା ଅଭିଯୋଗ ହୋଇଛି। ଦିଲ୍ଲୀରେ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଏବଂ ଆମ ଆଦମୀ ପାର୍ଟିର ଲୋକପ୍ରିୟ କାର୍ଯ୍ୟକ୍ରମ ହେଉଛି ମୋହଲ୍ଲା କ୍ଲିନିକ।