ରାବରୀ ଦେବୀଙ୍କୁ ୪ଘଣ୍ଟା ପଚରାଉଚରା କଲା CBI

ପାଟନା: ଲ୍ୟାଣ୍ଡ ଫର୍ ଜବ ସ୍କାମ ମାମଲାରେ ସିବିଆଇର ଆକ୍ସନ । ବିହାର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ଯାଦବଙ୍କ ଘରେ ସିବିଆଇ ଟିମର ଯାଞ୍ଚ । ରେଲଓ୍ବେ ଗ୍ରୁପ-D ଚାକିରିରେ ଅନିମିତତା ମାମଲାରେ ଲାଲୁଙ୍କ ପତ୍ନୀ ତଥା ପୂର୍ବତନ ମୁଖ୍ୟମନ୍ତ୍ରୀ ରାବରୀ ଦେବୀଙ୍କୁ ୪ଘଣ୍ଟା ପଚରାଉଚରା କରିଛି ସିବିଆଇ ଟିମ୍ । IRCTCରେ ଚାକିରି ଦେବା ମାମଲାରେ ସିବିଆଇର ୧୨ଜଣିଆ ଟିମ୍ ପଚରାଉଚରା କରି ଫେରିଛନ୍ତି । ୨୦୦୪ରୁ ୨୦୦୯ ମସିହା ପର୍ଯ୍ୟନ୍ତ ଲାଲୁ ରେଳମନ୍ତ୍ରୀ ଥିବା ବେଳେ ରେଲଓ୍ବେ ଚାକିରିରେ ଅନିୟମିତତା ହୋଇଥିବା ଅଭିଯୋଗ ହୋଇଥିଲା ।

ସିବିଆଇ ଏହି ମାମଲାରେ ଚାର୍ଜସିଟ୍ ଦାଖଲ କରିସାରିଛି । ଚାର୍ଜସିଟରେ ଲାଲୁଙ୍କ ଦୁଇ ଘନିଷ୍ଠ ସହଯୋଗୀ ତଥା ପୂର୍ବତନ ବିଧାୟକ ଭୋଲା ଯାଦବ ହୃଦୟାନନ୍ଦ ଚୌଧୁରୀ ମଧ୍ୟ ଅଭିଯୁକ୍ତ ରହିଛନ୍ତି । ଗତ ଜୁଲାଇରେ ସିବିଆଇ ଭୋଲା ଯାଦବଙ୍କୁ ସିବିଆଇ ଗିରଫ କରିଥିଲା । ଏହି ମାମଲାରେ ଆସନ୍ତା ୧୫ ତାରିଖରେ ହାଜର ହେବାକୁ ଲାଲୁ ଓ ରାବରୀ ଦେବୀଙ୍କ ସମେତ ୧୪ଜଣଙ୍କୁ ସମନ କରିଥିଲା ରାଉଜ ଆବେନ୍ୟୁ କୋର୍ଟ ।