ବାହାନଗା ଷ୍ଟେସନରେ ପୁଣି ସିବିଆଇ ଟିମ୍, ଟିକିନିଖି ତଥ୍ୟ ଖୋଜୁଛି ତଦନ୍ତକାରୀ ଟିମ୍

ବାଲେଶ୍ବର: ବାହାନଗା ଷ୍ଟେସନରେ ପୁଣି ସିବିଆଇ ଟିମ୍ । ଦୁର୍ଘଟଣାର ଟିକିନିଖି ତଥ୍ୟ ଖୋଜୁଛି ତଦନ୍ତକାରୀ ଟିମ୍ । ଆଜି ଷ୍ଟେସନରେ ପହଞ୍ଚି ଅନୁଧ୍ୟାନ କରୁଛି ସିବିଆଇ । ଗତକାଲି ଦିନ ଓ ରାତି ଦୁର୍ଘଟଣାସ୍ଥଳ ସମେତ ବାହାନଗା ଷ୍ଟେସନରେ ଯାଞ୍ଚ କରିଥିଲା ଟିମ୍ । ଷ୍ଟେସନ ମାଷ୍ଟର ଓ ଗାର୍ଡଙ୍କୁ ଉତ୍ତର କ୍ୟାବିନରେ ପଚରାଉଚରା କରାଯାଇଛି ।

ରେଲଓ୍ବେ ଗୋଷ୍ଟ ହାଉସରେ ମଧ୍ୟ ବରିଷ୍ଠ ଅଧିକାରୀଙ୍କୁ ପଚରାଉଚରା କରିଛି ସିବିଆଇ ଟିମ୍ । କାଲି ଦିନ ତମାମ ଟ୍ରେନ ଟ୍ରାକ୍ ଦେଖିବା ସହ କ୍ଷତିଗ୍ରସ୍ତ ବଗିର ସ୍ଥିତି ଅନୁଧ୍ୟାନ କରିଥିଲେ । ପାଖରେ ଥିବା ଗେଟର ସିଗନାଲ ରୁମକୁ ଯାଇ ସିଗନାଲ ମ୍ୟାନକୁ ପଚରାଉଚରା କରିଥିଲେ । ପରେ ବାହାନଗା ଷ୍ଟେସନ ମ୍ୟାନେଜର ରୁମରେ ଛାନବିନ୍ କରିଥିଲା ସିବିଆଇ।

ସିଗନାଲ ପାଇଁ ବ୍ୟବହାର କରାଯାଉଥିବା ସମସ୍ତ ଟେକ୍ନୋଲୋଜି ଯାଞ୍ଚ କରିବା ସହ ମ୍ୟାନେଜରଙ୍କୁ ଦୀର୍ଘ ସମୟ ଧରି ଜେରା କରାଯାଇଥିଲା । ଦୁର୍ଘଟଣା ମନୁଷ୍ୟକୃତ୍ୟ ନା ଯାନ୍ତ୍ରିକ ତ୍ରୁଟି, ତାର ଖିଅ ଖୋଜୁଛନ୍ତି ତଦନ୍ତକାରୀ ଟିମ୍ ।