କାର୍ତ୍ତି ଚିଦାମ୍ବରମଙ୍କ ବାସଭବନରେ ସିବିଆଇ ରେଡ୍

ଚେନ୍ନାଇ: ରାଜ୍ୟସଭା ସାଂସଦ ପି. ଚିଦାମ୍ବରମଙ୍କ ପୁଅ କାର୍ତ୍ତି ଚିଦାମ୍ବରମଙ୍କ ବାସଭବନରେ ସିବିଆଇର ଖାନତଲାସ । ତେବେ ଖାନତଲାସିବେଳେ କାର୍ତ୍ତିଙ୍କ ପତ୍ନୀଙ୍କ ଏକ କପ୍ ବୋର୍ଡକୁ ସିଲ୍ କରିଛି ସିବିଆଇ । ତେବେ ଖାନତଲାସୀବେଳେ କାର୍ତ୍ତିଙ୍କ ପତ୍ନୀ ଘରେ ନଥିବା ସୂଚନା ମିଳିଛି । ପଞ୍ଜାବରେ ଏକ ପାଓ୍ବାର ପ୍ଲାଣ୍ଟ ପ୍ରତିଷ୍ଠା ଲାଗି ବେଦାନ୍ତ ଗ୍ରୁପ କମ୍ପାନୀ ତାଲଓ୍ବାଣ୍ଡି ସାବୋ ପାଓ୍ବାର ଲିମିଟେଜ ବା ଟିଏସପିଏଲର ଜଣେ ପ୍ରମୁଖ ପଦାଧିକାରୀଙ୍କ ଦ୍ବାରା କାର୍ତ୍ତି ଓ ତାଙ୍କର ଜଣେ ଘନିଷ୍ଠ ସହଯୋଗୀ ଏସ. ଭାସ୍କର ରମଣଙ୍କୁ ୫୦ ଲକ୍ଷ ଟଙ୍କା ଲାଞ୍ଚ ଦେବା ନେଇ ଅଭିଯୋଗ ହୋଇଥିଲା ।

ନିଜର ଏଫଆଇଆରରେ ସିବିଆଇ ଦର୍ଶାଇଥିଲା ପଞ୍ଜାବରେ ଚୀନର ଏକ କମ୍ପାନି ଜରିଆରେ ପାଓ୍ବାର ପ୍ଲାଣ୍ଟ ପ୍ରତିଷ୍ଠା ଲାଗି ଯୋଜନା କରାଯାଇଥିଲା ଯେଉଁଥିରେ ଦୁର୍ନୀତିର ବାସ୍ନା ଆସିଥିଲା । ୨୬୩ଜଣ ଚୀନ ଶ୍ରମିକଙ୍କ ଲାଗି ପ୍ରୋଜେକ୍ଟ ଭିସା ପୁନଃ ପ୍ରଦାନ କରିବା ଲାଗି ଟିଏସପିଏଲର କର୍ତ୍ତୃପକ୍ଷ ୫୦ ଲକ୍ଷ ଟଙ୍କା ଲାଞ୍ଚ ଦେବା ଏଫଆଇଆରରେ ଦର୍ଶାଯାଇଥିଲା ।