INX ମାମଲା, ସିବିଆଇ ଦାଖଲ କଲା ଚାର୍ଜସିଟ୍
1 min read
ବହୁ ଚର୍ଚ୍ଚିତ INX ମିଡିଆ ଡିଲ୍ ଦୁର୍ନୀତି ମାମଲାରେ ପୂର୍ବତନ ଅର୍ଥମନ୍ତ୍ରୀ ପି. ଚିଦାମ୍ବରମ୍ ଓ ତାଙ୍କ ପୁଅ କାର୍ତ୍ତୀ ଚିଦାମ୍ବରମଙ୍କ ବିରୋଧରେ ଚାର୍ଜସିଟ୍ ଦାଖଲ କରିଛି ସିବିଆଇ। ଏଥିରେ ଚିଦାମ୍ବରମଙ୍କ ସମେତ କିଛି ସରକାରୀ ଅଧିକାରୀଙ୍କୁ ମିଶାଇ ମୋଟ୍ 14 ଜଣଙ୍କ ବିରୋଧରେ ଚାର୍ଜସିଟ ଦାଖଲ କରାଯାଇଛି। ପୁରା ଘଟଣାରେ ଚିଦାମ୍ବରମଙ୍କ ସଂପୃକ୍ତିକୁ ସ୍ପଷ୍ଟ କରିଛି ସିବିଆଇ। 2019 ଅଗଷ୍ଟ 21 ତାରିଖରେ ଦିଲ୍ଲୀରୁ ସିବିଆଇ ଅଧିକାରୀ କଂଗ୍ରେସ ନେତା ପି. ଚିଦାମ୍ବରମଙ୍କୁ ଗିରଫ କରିଥିଲେ। 2018 ଫେବୃଆରୀରେ ପି.ଚିଦାମ୍ବରମଙ୍କ ପୁଅ କାର୍ତ୍ତି ଚାଦାମ୍ବରମଙ୍କୁ ଗିରଫ କରିଥିଲା ସିବିଆଇ। ଚିଦାମ୍ବରମଙ୍କର ହାଇକୋର୍ଟ ଓ ସୁପ୍ରିମକୋର୍ଟରେ ବାରମ୍ବାର ଜାମିନ୍ ନାମଞ୍ଜୁର ହେବା ପରେ ଇଡି ମଧ୍ୟ କାର୍ଯ୍ୟାନୁଷ୍ଠାନ ନେବା ଆରମ୍ଭ କରିଛି। ମେ 15, 2017ରେ ସିବିଆଇ, ଆଇଏନଏକ୍ସ ମାମଲାରେ ପ୍ରଥମେ ମାମଲା ଦାୟର କରିଥିଲା। ତା ପରେ ଆରମ୍ଭ ହୋଇଥିଲା ତଦନ୍ତ ।
')}
