ବୃଦ୍ଧି ହେବ ED-CBI ନିର୍ଦ୍ଦେଶକଙ୍କ କାର୍ଯ୍ୟକାଳ, ଅଧ୍ୟାଦେଶ ଆଣିଲେ କେନ୍ଦ୍ର ସରକାର
1 min read
ନୂଆଦିଲ୍ଲୀ: କେନ୍ଦ୍ରୀୟ ତଦନ୍ତକାରୀ ସଂସ୍ଥାର ନିର୍ଦ୍ଦେଶକଙ୍କ କାର୍ଯ୍ୟାକାଳ ବୃଦ୍ଧି ନେଇ ଅଧ୍ୟାଦେଶ ଆଣିଲେ କେନ୍ଦ୍ର ସରକାର । ସିବିଆଇ ଏବଂ ପ୍ରବର୍ତ୍ତନ ନିର୍ଦ୍ଦେଶାଳୟ ED ଭଳି ସଂସ୍ଥାର ନିର୍ଦ୍ଦେଶକଙ୍କ କାର୍ଯ୍ୟକାଳ ୨ ବର୍ଷ ଥିବାବେଳେ ଏହାକୁ ୫ ବର୍ଷ ପର୍ଯ୍ୟନ୍ତ ବୃଦ୍ଧି କରିବାକୁ କେନ୍ଦ୍ର ସରକାର ଆଣିଛନ୍ତି ଅଧ୍ୟାଦେଶ । ଏହି ଅଧ୍ୟାଦେଶ ରାଷ୍ଟ୍ରପତି ରାମନାଥ କୋବିନ୍ଦଙ୍କ ନିକଟକୁ ପଠାଯାଇଛି ।
ସର୍ତ୍ତ ରହିଛି ଯେ, ଯେଉଁ ସମୟ ପାଇଁ ପ୍ରବର୍ତ୍ତନ ନିର୍ଦ୍ଦେଶକ ତାଙ୍କ କାର୍ଯ୍ୟ ଆରମ୍ଭ କରନ୍ତି । ଅର୍ଥାତ ଯେଉଁ ସମୟରେ ସେ କର୍ତ୍ତବ୍ୟରେ ଯୋଗଦିଅନ୍ତି । ତାହା ଜନସାଧାରଣଙ୍କ ସ୍ୱାର୍ଥରେ ଉଦ୍ଧିଷ୍ଟ ରହିଥାଏ । ଧାରା (କ) ଅନୁଯାୟୀ କମିଟିର ସୁପାରିଶ ଆକାରରେ ଏହା ଲିପିବଦ୍ଧ ହୋଇ ରହିଥାଏ । ଠିକ ସେହିୁପରି ସିବିଆଇ ସଂସ୍ଥାର ମୁଖ୍ୟ ମଧ୍ୟ କର୍ତ୍ତବ୍ୟ ତୁଲାଇଥାନ୍ତି ।
କିନ୍ତୁ କେନ୍ଦ୍ର ସରକାର ଏଥିରେ ପରିବର୍ତ୍ତନା ଆଣିବା ନେଇ ରାଷ୍ଟ୍ରପତିଙ୍କୁ ଏକ ଅଧ୍ୟାଦେଶ ପଠାଇଛନ୍ତି । ଦୁଇ ସଂସ୍ଥାର ମୁଖ୍ୟ ଦାୟିତ୍ୱରେ ରହୁଥିବା ଅଧିକାରୀଙ୍କ କାର୍ଯ୍ୟକାଳ ପୂର୍ବରୁ ଦୁଇ ବର୍ଷ ରହିଥିଲା । ଏହି ସମୟସୀମାକୁ ବୃଦ୍ଧି କରି ୫ ବର୍ଷ କରିବାକୁ ନିଷ୍ପତ୍ତି ନେଇଛନ୍ତି କେନ୍ଦ୍ର ସରକାର । 1997 ପୂର୍ବରୁ, ସିବିଆଇ ନିର୍ଦ୍ଦେଶକଙ୍କ କାର୍ଯ୍ୟକାଳ ସ୍ଥିର ହୋଇନଥିଲା ।
