ସ୍ବାସ୍ଥ୍ୟ ସଂଗଠନ ଅଧିକାରୀଙ୍କ ଘରେ ସିବିଆଇ ରେଡ୍ ଘଟଣା: ମିଳିଲା ପୁଳାପୁଳା ଟଙ୍କା ସହ ବିଦେଶୀ ନୋଟ

ପାରାଦୀପ : ପାରାଦୀପ ପୋର୍ଟ ବନ୍ଦର ସ୍ବାସ୍ଥ୍ୟ ସଂଗଠନ ଅଧିକାରୀ ରାଜେନ୍ଦ୍ର ନାରାୟଣ ପାଣିଗ୍ରାହୀଙ୍କ ଘରେ ସିବିଆଇ ରେଡରୁ ମିଳିଛି ପୁଳାପୁଳା ଟଙ୍କା । ବିପୁଳ ପରିମାଣର ଟଙ୍କା ସହ ଜବତ ହୋଇଛି ବିଦେଶୀ ମୁଦ୍ରା । ତେବେ କେତେ ପରିମାଣର ଟଙ୍କା ଓ ବିଦେଶୀ ନୋଟ ମିଳିଛି ତାହାର ଆକଳନ କରାଯାଇନାହିଁ। ଗତକାଲି ସନ୍ଧ୍ୟାରୁ ସିବିଆଇର ୧୦ ଜଣିଆ ଟିମ ଚଢଉ ଜାରି ରଖିଛନ୍ତି।

ପାରାଦ୍ଵୀପରେ ସ୍ବାସ୍ଥ୍ୟ ସଂଗଠନ ଅଧିକାରୀଙ୍କ ହାଉସିଂ ବୋର୍ଡ ସ୍ଥିତ ଘର, ଜେବି କଲୋନୀରେ ଥିବା କ୍ବାର୍ଟର, ବାଲେଶ୍ବର ସ୍ଥିତ ନିଜ ଘର ଓ କଟକରେ ତାଙ୍କ ପତ୍ନୀ ରହୁଥିବା ଘରେ ଏକକାଳୀନ ଚଢାଉ କରିଛି ଭିଜିଲାନ୍ସ । ଗତକାଲି ଏକ ସିପିଂ ଏଜେନ୍ସି ଠାରୁ ୫୦ ହଜାର ହଜାର ଟଙ୍କା ଲାଞ୍ଚ ନେଉଥିବା ବେଳେ ସିବିଆଇ ହାତରେ ଧରାପଡିଥିଲେ ବନ୍ଦର ସ୍ଵାସ୍ଥ୍ୟ ସଂଗଠନ ଅଧିକାରୀ ରାଜେନ୍ଦ୍ର ନାରାୟଣ ପାଣିଗ୍ରାହୀ।