ଓଲିଉଡ୍ରେ କାଷ୍ଟିଂ କାଉଚ୍: ପିଣ୍ଟୁ ନନ୍ଦଙ୍କ ବିରୋଧରେ ସାଂଘାତିକ ଅଭିଯୋଗ ଆଣିଲେ ଅଭିନେତ୍ରୀ…
1 min read
ଭୁବନେଶ୍ୱର: ଓଲିଉଡ୍ କଳାକାର ତଥା ବିଜେପି ନେତା ପିଣ୍ଟୁ ନନ୍ଦଙ୍କ ଗୁଣ୍ଡା ଗର୍ଦ୍ଦି ଘଟଣା ଏବେ ଚର୍ଚ୍ଚାର ବିଷୟ ପାଲିଛି । ପିଣ୍ଟୁଙ୍କ ଏଭଳି ଗୁଣ୍ଡାଗର୍ଦ୍ଦିକୁ ନେଇ ପୁରା ଓଲିଉଡ୍ ଜଗତ ସମାଲୋଚନାର ଶିକାର ହେବାକୁ ପଡ଼ିଛି । ପିଣ୍ଟୁଙ୍କ ନାଁରେ ବୁଧବାର ରାତିରେ ନୟାପଲ୍ଲୀ ଥାନାରେ ଅଭିଯୋଗ ହେବା ପରେ ଗୁରୁବାର ଘଟଣାରେ ଆସିଛି ନୂଆ ମୋଡ଼ ।
ଯୁବତୀ ଜଣକ ଅଭିଯୋଗ କରିଛନ୍ତି ଯେ, ପିଣ୍ଟୁ କେବଳ ତାଙ୍କୁ ଅସଭ୍ୟ ଭାଷାରେ ଗାଳିଗୁଲଜ କରି ନାହାନ୍ତି ବରଂ ତାଙ୍କୁ ଦୁର୍ବ୍ୟବହାର ମଧ୍ୟ କରିଛନ୍ତି । ଯୁବତୀଙ୍କୁ ଶାରୀରିକ ସମ୍ପର୍କ ରଖିବାକୁ ପିଣ୍ଟୁ ବାଧ୍ୟ କରିଛନ୍ତି । ଆଉ ପିଣ୍ଟୁ କହିଛନ୍ତି ଯେ, ‘ଯଦି ଷ୍ଟାର ହେବାର ଅଛି ତେବେ ମତେ ଖୁସି କର ।’ ଏଭଳି ସଙ୍ଗୀନ୍ ଅଭିଯୋଗ ଆଣିଛନ୍ତି ଯୁବତୀ । ତେବେ ଯୁବତୀଙ୍କ ଏଭଳି ଅଭିଯୋଗକୁ ପିଣ୍ଟୁ ସମ୍ପୂର୍ଣ୍ଣ ଖଣ୍ଡନ କରିଥିବା ବେଳେ ଏହା ଭିତ୍ତିହୀନ ବୋଲି କହିଛନ୍ତି । ପିଣ୍ଟୁ କହିଛନ୍ତି ଯେ, ସେ କେବଳ ପବ୍ଲିସିଟି ପାଇଁ ଏଭଳି ଅଭିଯୋଗ ଆଣିଛନ୍ତି । ତାଙ୍କ ଅଭିଯୋଗରେ ଯଥାର୍ଥତା ନାହିଁ । ସେ ଜଣେ ଜୁନିଅର ଆର୍ଟିଷ୍ଟ । ତାଙ୍କୁ ଚିହ୍ନି ନାହାନ୍ତି ବୋଲି କହିଛନ୍ତି ପିଣ୍ଟୁ । ଏହି ଘଟଣାରେ ପିଣ୍ଟୁଙ୍କ ବ୍ୟତୀତ ଅନ୍ୟ ଦୁଇ ଜଣଙ୍କ ନାଁରେ ଅଭିଯୋଗ ମଧ୍ୟ କରିଛନ୍ତି ଯୁବତୀ । ଗୋଲାପି ଗୋଲାପି ପାର୍ଟ-ଟୁ ଫିଲ୍ମ ପାଇଁ ଅଡିସନ ଦେବା ପାଇଁ ଯାଇଥିବା ବେଳେ ତାଙ୍କ ସହ ଦୁର୍ବ୍ୟବହାର ହୋଇଥିଲା ବୋଲି ଯୁବତୀ ଅଭିଯୋଗ କରିଛନ୍ତି । ସିସିଟିଭି ଯାଂଚ କଲେ ପ୍ରକୃତ ସତ ପଦାକୁ ଆସିବ ବୋଲି କହିଛନ୍ତି ଯୁବତୀ ।
ଅନ୍ୟପଟେ ପିଣ୍ଟୁଙ୍କ ପଛରେ ରାଜନୈତିକ ନେତାଙ୍କ ହାତ ଅଛି ବୋଲି କହିଛନ୍ତି ଅଭିଯୋଗକାରିଣୀ । ନୂଆପଲ୍ଲୀ ଥାନାକୁ ଏକ ନିର୍ଦ୍ଦିଷ୍ଟ ଦଳର ନେତା ଆସିଥିଲେ ବୋଲି ସେ ଅଭିଯୋଗ କରିଛନ୍ତି । ପିଣ୍ଟୁଙ୍କ ପଛରେ ରାଜନୈତିକ ଦଳର ହାତ ଥିବାରୁ ସେ ଭୟଭୀତ ଅଛନ୍ତି ବୋଲି ଅଭିଯୋଗକାରିଣୀ କହିଛନ୍ତି ।
ଅନ୍ୟପକ୍ଷରେ ପିଣ୍ଟୁ ଏଭଳି ଅଭିଯୋଗକୁ ଖଣ୍ଡନ କରିଛନ୍ତି । ସେ କହିଛନ୍ତି ଯେ, ଅଭିଯୋଗକାରିଣୀଙ୍କୁ ମୁଁ ଭଲରେ ଚିହ୍ନନାହିଁ । ମୁଁ ତାଙ୍କୁ କେବେ ମଧ୍ୟ ସୁଟିଂ ସେଟରେ ଦେଖିନାହିଁ । ସେ ଜଣେ ଜୁନିଅର ଆର୍ଟିଷ୍ଟ,ଜୁନିଅର ଆର୍ଟିଷ୍ଟଙ୍କୁ ମାନସ ଆଣନ୍ତି । କିନ୍ତୁ ମୁଁ ଏହି ଅଭିଯୋଗକାରିଣୀଙ୍କୁ ଜାଣିନାହିଁ ।
ପିଣ୍ଟୁ ନନ୍ଦଙ୍କ ଉପରେ ଯୁବତୀଙ୍କ ଏଭଳି ଅଭିଯୋଗ ପରେ ନନ୍ଦିଘୋଷ ଟିଭି ଏହାର ସତ୍ୟାସତ୍ୟ ଜାଣିବା ପାଇଁ ଯୁବତୀଙ୍କର ପ୍ରତିକ୍ରିୟା ନେଇଥିଲା । ଯୁବତୀଙ୍କ କହିବା ଅନୁଯାୟୀ, ଟିକ୍ ଟକ୍ ଦେଖି ତାଙ୍କୁ ପିଣ୍ଟୁ ନନ୍ଦଙ୍କ ଜଣେ ଖାସ ଲୋକ ମାନସ ତାଙ୍କୁ ଫେସବୁକରେ କଣ୍ଟାକ୍ଟ କରିଥିଲେ । ମାନସ ସୁଟିଂ ପାଇଁ ଦରକାର ହେଉଥିବା ଝିଅଙ୍କୁ ଯୋଗାଡ଼ କରନ୍ତି । ଏହାପରେ ମାନସ ତାଙ୍କୁ ଏକ ଭଲ ଫିଲ୍ମ ପାଇଁ ଅଫର କରିଥିଲେ । ଯୁବତୀ ଏଥିରେ ରାଜି ହୋଇଥିଲେ । କିନ୍ତୁ ପରବର୍ତ୍ତି ମୁହୂର୍ତ୍ତରେ ଯୁବତୀଙ୍କୁ ଗୋପାଳପୁର ଆସିବାକୁ କହିଥିଲେ । ଗାେପାଳପୁରରେ ଯୁବତୀଙ୍କୁ ପିଣ୍ଟୁ ନନ୍ଦ ଦେଖିବେ ବୋଲି କହିଥିଲେ ମାନସ । ସେ ସମୟରେ ଯୁବତୀ ଜଣକ ଯିବା ପାଇଁ ମନା କରିଦେଇଥିଲେ । ଏବଂ ଏକ ଫଟୋ ପଠେଇ ଦେବା ପାଇଁ କହିଥିଲେ । ଯୁବତୀ ଜଣକ କହିଥିଲେ କି ଭୁବନେଶ୍ୱରରେ ଯେଉଁଠାରେ ସୁଟିଂ ହେବ ସେହିଠାରେ ଯାଇ ଦେଖା କରିବେ ବୋଲି କହିଥିଲେ । ଗାଡ଼ିରେ ନେଇ ଯିବା ପାଇଁ ମଧ୍ୟ ଯୁବତୀଙ୍କୁ ଅଫର କରାଯାଇଥିଲା । ତେବେ କଟକ ସିଡିଏରେ ସୁଟିଂ ହେଉଥିବା ସ୍ଥାନରେ ମହିଳା ଯାଇ ପହଞ୍ଚି ଥିଲେ । ତାପରେ ସାଲିଆ ସାହି ପାଖରେ ସୁଟିଂ ସେଟରେ ମଧ୍ୟ ଯୁବତୀ ପହଞ୍ଚି ଥିଲେ । ଯୁବତୀଙ୍କୁ ସେଠାରେ ବହୁତ ରାତି ଯାଏଁ ରହିବାକୁ ପଡ଼ିଥିଲା । ତାପରେ ସେଠାରେ ଯୁବତୀଙ୍କ ସହ ଅଶ୍ଳୀଳ ବ୍ୟବହାର କରାଯାଇଥିବା ଯୁବତୀ ଜଣକ ଅଭିଯୋଗ କରିଛନ୍ତି । ଅଭିଯୋଗ କାରିଣୀଙ୍କୁ ଗୋଲାପି ଗୋଲାପି ଫିଲ୍ମ କରିବାକୁ ଅଫର ଦିଆ ଯାଇଥିଲା । ଯେତେବେଳେ ପିଣ୍ଟୁ ନନ୍ଦ ଏଭିଳି ଅଭିଯୋକୁ ଖଣ୍ଡନ କରିଥିଲେ ସେତେବେଳେ ଯୁବତୀ ଜଣକ କହିଥିଲେ କି ତାଙ୍କୁ ପଚାରନ୍ତୁ ସେ କାହିଁ ମୋ ଗୋଡ଼ ଧରିକି ଭୁଲ ମାଗୁଥିଲେ । ସେ ସ୍ଥାନରେ ଏକ ସିସିଟିଭି କ୍ୟାମେରା ମଧ୍ୟ ରହିଛି ସେଥିରୁ ମଧ୍ୟ ସବୁ ଧରା ପଡ଼ିଯିବ ବୋଲି କହିଥିଲେ ଅଭିଯୋଗ କାରିଣି । ଏହାପରେ ଯୁବତୀ ନୟାପଲ୍ଲୀ ଥାନାରେ ଯାଇ ଅଭିଯୋଗ କରିଥିଲେ । ସେଠାରେ ରାତି ୧ରୁ ୧:୩୦ ବେଳେ ଥାନାରେ ଏଫାୟାର କରିଥିଲେ ଯୁବତୀ । ପିଣ୍ଟୁନନ୍ଦ ଆସିବା ପରେ ଥାନା ବାହାରେ ବହୁ ଗାଡ଼ି ମଧ୍ୟ ଜମା ହୋଇଥିଲା ।
(ଭୁବନେଶ୍ୱରରୁ ଶତରୁପ ସାମନ୍ତରାୟଙ୍କ ରିପୋର୍ଟ)
