ଏସସିବିରେ ବିରଳ ଅସ୍ତ୍ରୋପଚାର

କଟକ: ଏସସିବି ମେଡିକାଲର କିଡନୀ ବିଭାଗରେ ଚାଲିଛି ବିରଳ ଅସ୍ତ୍ରୋପଚାର । ଆଜି ଜଣେ ରୋଗୀଙ୍କ କାଡାଭେରିକ ସର୍ଜରୀ କରାଯାଉଛି । ଭୁବନେଶ୍ବରର ଏକ ଘରୋଇ ହସ୍ପିଟାଲରୁ ଜଣେ ବ୍ୟକ୍ତିଙ୍କ ଶରୀରରୁ କିଡନୀ କଢ଼ାଯାଇ ଏସସିବିରେ ଏହି ସର୍ଜରୀ କରାଯାଉଛି ।

ଏସସିବି ଇରୋଲୋଜି ବିଭାଗର ବିଭାଗୀୟ ମୁଖ୍ୟ ଡାକ୍ତର ସମୀର ରଞ୍ଜନ ସ୍ବାଇଁ ଓ ଡାକ୍ତର ସଞ୍ଜୟ ଚୌଧୁରୀ ଏହି କିଡନୀକୁ ଅତି ଯତ୍ନର ସହିତ ଏସସିବିକୁ ଆଣିଥିଲେ । ବର୍ତ୍ତମାନ ଏହି ଅପରେସନ ଜାରି ରହିଛି । ଦୀର୍ଘ ଦିନର ବ୍ୟବଧାନ ପରେ ଏସସିବିରେ ଏହି ଅପରେସନ କରାଯାଉଛି । ଅପରେସନ ସଫଳ ହେଲେ ଏସସିବି ଚିକିତ୍ସା ବିଜ୍ଞାନରେ ଏକ ସଫଳ ଅଧ୍ୟାୟ ଯୋଡି ହେବ ।