ସହିଦନଗରରେ ବହୁ ପ୍ରତୀକ୍ଷିତ ଅତ୍ୟାଧୁନିକ ବହୁତଳ କାର ପାର୍କିଂ

ଭୁବନେଶ୍ୱର: ଆରମ୍ଭ ହେଲା ଭୁବନେଶ୍ବର ସହିଦନଗରସ୍ଥିତ ବହୁ ପ୍ରତୀକ୍ଷିତ ଅତ୍ୟାଧୁନିକ ବହୁତଳ କାର ପାର୍କିଂ । ଭୂତଳରେ 2ଟି ଓ ଉପର ମହଲାରେ 3ଟି ମୋଟ 5ଟି ଫ୍ଲୋରରେ ଯାନବାହନ ପାର୍କିଂ କରିବାର ବ୍ୟବସ୍ଥା ରହିଛି । 196ଟି ୪ ଚକିଆ ଓ 398ଟି ମୋଟର ସାଇକେଲ ପାର୍କିଂ କରିବାର କ୍ଷମତା ରହିଛି । ମୋଟର ସାଇକେଲ ପାର୍କିଂ ପାଇଁ ଘଣ୍ଟା ପ୍ରତି 10ଟଙ୍କା ଓ ଚାରି ଚକିଆ ଯାନ ପାଇଁ 40ଟଙ୍କା ଦେୟ ଦେବାକୁ ପଡ଼ିବ ।

ଅଧିକ ସମୟ ପାଇଁ ଗାଡି ମାଲିକଙ୍କୁ ଅଧିକ ଦେୟ ଦେବାକୁ ପଡିବ । ବନାରସର ମଲ୍ଟିପ୍ଲେକ୍ସ ନାମକ ଏକ କମ୍ପାନୀକୁ 5ବର୍ଷ ପାଇଁ ଲିଜ ସୂତ୍ରରେ ଦିଆଯାଇଛି । ଏଥିରେ ସିସିଟିଭି ସହିତ ଅଗ୍ନି ନିରାପତ୍ତା ଓ ସୁରକ୍ଷା ବ୍ୟବସ୍ଥା ରହିଛି । ଖୁବଶୀଘ୍ର ରାଜମହଲ ଛକ ସ୍ଥିତ ସହରର ଦ୍ବିତୀୟ ମଲ୍ଟି ଲେବେଲ ପାର୍କିଂ ବା ସ୍ମାର୍ଟ ପାର୍କିଂ ମଧ୍ୟ ସର୍ବସାଧାରଣଙ୍କ ବ୍ୟବହାର ପାଇଁ ଖୋଲାଯିବ । ସେଥିରେ 450ଟି କାର ଓ 350ଟି ବାଇକ ରହିବାର ବ୍ୟବସ୍ଥା ରହିଛି । ଉଭୟ ବହୁତଳ ପାର୍କିଂ କାର୍ଯ୍ୟକାରୀ ହେଲେ ରାଜଧାନୀର ଟ୍ରାଫିକ ସମସ୍ୟାରେ ସୁଧାର ଆସିବ । ଏହା ସହ ରାସ୍ତାକଡ଼ରେ ପାର୍କିଂ ଉପରେ ରୋକ ଲଗାଯିବ। ପୂର୍ବରୁ ନନ୍ଦନକାନନରେ ଅନୁରୂପ ବହୁତଳ ପାର୍କିଂ କାର୍ଯ୍ୟକ୍ଷମ ହୋଇସାରିଛି।