ଭାରସାମ୍ୟ ହରାଇ ପୋଲ ତଳକୁ ଖସିଲା କାର, ୫ମୃତ
ଗଜପତି: ପୋଲ ତଳକୁ ଖସିଲା କାର । ଆନ୍ଧ୍ରପ୍ରଦେଶର ଶ୍ରୀକାକୁଲମ ଜିଲ୍ଲା କୋଟପଲି ଗ୍ରାମ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ଆଜି ସକାଳ ପ୍ରାୟ ୭ ସମୟରେ ଏକ କାର ଭାରସାମ୍ୟ ହରାଇ ପୋଲ ତଳକୁ ଖସିପଡ଼ିଛି ।
କୋତପାଲି ଗ୍ରାମ ନିକଟରେ ଥିବା ମୋହେନ୍ଦ୍ରତନାୟ ତଳକୁ କାରଟି ଖସିପଡ଼ିଥିବା ସୂଚନା ମିଳିଛି । କାରରେ ମୋଟ ୬ଜଣ ଯାତ୍ରୀ ଯାଉଥିବା ବେଳେ ସେମାନଙ୍କ ମଧ୍ୟରେ ୫ ଜଣ ମୃତ୍ୟୁବରଣ କରିଛନ୍ତି ଏବଂ ଜଣକର ଅବସ୍ଥା ଗୁରୁତର ଅଛି ।
ତେବେ ଗୁରୁତର ଜଣକୁ ପଲସା ଚିକିତ୍ସାଲୟକୁ ସ୍ଥାନାନ୍ତର କରାଯାଇଛି । ସେମାନଙ୍କ ମଧ୍ୟରୁ ଜଣେ ଶିଶୁ ଥିବା ଜଣାପଡିଛି । ପ୍ରାଥମିକ ତଦନ୍ତରୁ ସମସ୍ତ ଯାତ୍ରୀ ବ୍ରହ୍ମପୁରର ବୋଲି ଜଣାପଡିଛି ।
